Рено Марко по сè изгледа живее за фудбал и ептен го бива за пренесување навивачка атмосфера од лице мести. После Порто каде се измеша со нашите, енергијата на навивачите ни ја носи на тацна од Ванда Петрополитано. Одлично спакувано.

На два меча, головите за победа паѓаа во 96-тата минута, а на друг во 98-та минута. На мечот пак во Италија меѓу Модена и Имолезе, победничкиот гол е постигнат од голманот и тоа од 80 метри, во 91-та минута од мечот.

На натпревар од MIC Купот, меѓународен младински турнир во Каталонија игра и тимот на Манчестер Јунајтед У-12. Во составот кај нив е и син му на Кристијано, Роналдо Јуниор кој постигна гол и повтори погодете чија прослава.

Македонските навивачи многу пријатно ги изненадија и ракометарите и сите оние кои од Македонија го следеа мечот со Чешка. Во Злин ечеше македонска песна и се виореа македонски знамиња. Нашите навивачи беа речиси побројни од домашните а голем удел во тоа има македонската дијаспора од Европа.

Македонските ракометари го одиграа можеби најдобриот натпревар во последните години, но за жал на крајот од готово направија вересија, па наместо со убедлива предност, од Чешка се враќаат со реми 24-24. Речиси во текот на целиот меч имавме апсолутна доминација над Чесите а доказ за тоа се и атрактивните цепелини, дури четири колку што сме немале никогаш на еден натпревар.

Ѕвездата на Шарлот Хорнетс, Мајлс Бриџис за 30 минути во поразот од Атланта Хокс 132-103 постигна 12 поени со по 4 асистенции и скока. Судиите во еден момент му досудија повеќе технички грешки поради што беше исклучен и мораше да го напушти паркетот. А во тунелот таму одговори на навивачки провокации и гаѓаше еден навивач со заштитната вилица за заби.

Антонио Тото Ди Натале беше права легенда на италијанскиот фудбал, Франческо Тоти за Удинезе. Во црно-белиот дрес одигра 385 меча и постигна 191 гол. Бешеи репрезентативец на Италија со која стана вицешампион на Европско првенство 2012. Две сезони беше најдобар стрелец во Серија А и еднаш фудбалер на годината во 2010-та. Во моментов е тренер на третолигашот Карарезе.

Го имаме падобранецот на сезоната во Лига на шампиони. На Алијанц арената нема живо пиле, останати беа само техничарите кои си ја собираа опремата и туку наеднаш на терен се симнува, пази навивач на Келн на мечот Баерн - Виљареал. 22 пива има мавнато.

Во 17. коло од пролетниот дел во Бизнис лигата на Македонија, Пивара Скопје го декласираше Спорт Лајф, а ЈСП славеше над А1.

Погледнете ги овие сцени на Ванда Метрополитано. Суарез, Гризман, Кореа, Облак и останатите разочарани и потиштени по елиминацијата, а нивните поддржувачи во елемент, мислиш слават пласман во полуфинале. Ова е награда за нивната борбеност и стимул за да продолжат борбено и понатаму. Прекрасен навивачи гест.

Судиското продолжение во Мадрид синоќа беше најнапнато и најдолго сезонава во ЛШ. Траеше 13 минути во кои видовме опасни стартови, турканици, тензија, картони, ама и две опасни шанси на двете страни.

Напнатоста на реванш четвртфиналето меѓу Атлетико и Сити на кое се играше дополнителни 13 минути, продолжи и во тунелот, а најнервозен беше Хрватот Шиме Врсаљко кој прво ги гаѓаше гостите со нешто, а потоа и ги плукаше. Полицијата спречи посериозен инцидент.

Фудбалерите на Атлетико и Сити на моменти „војуваа“ на Ванда Метрополитано, а напнатоста беше најголема во финишот. Фелипе по еден лизгачки старт, намерно го удри Фил Фоден за што доби втор жолт, а Савиќ им се намерачи на Грилиш и Стерлинг.

Ливерпул и Манчестер Сити одиграа нерешено на реваншите против Бенфика и Атлетико Мадрид, резултати доволни за полуфинале во ЛШ. Двојките во топ 4 се Реал Мадрид - Манчестер Сити и Ливерпул - Виљареал.

Скоро и да не паметиме кога на еден голем натпревар сме имале дури четири цепелини. Македонските ракометари одиграа врвна партија против Чешка која пред натпреварот беше фаворит според букмејкерите и во Скопје го чекаме ривалот со одлична подлога. Талески беше најефикасен со 5 погодоци од кои еден еврогол.

Македонската ракометна репрезентација од чешки Злин носи одличен резултат пред реваншот во Скопје во недела, иако малку фалеше да удриме печат во визата за ракометниот Мундијал.

Во 17. коло од пролетниот дел во Бизнис лигата на Македонија славеа екипите на ЈП Дрисла и Матрикс.

Поранешниот магионичар во Севиља со која освои 3 пехари во Лига Европа, едно време работеше во ПСЖ (титула во Лига 1, 4 Купа и 2 Супер Купа) а беше омаловажуван од страна на размазената англиска фудбалска публика додека го водеше Арсенал. Сега без милијарди на располагање, со ограничен буџет за трансфери и плати, прави чудо со симпатичниот Виљареал. Ги урна Јувентус и Баерн Минхен, а сега му се остри на Ливерпул.

По бегството од Украина, каде не успеа да дебитира за новиот клуб, Ѓоко Зајков се вдоми набрзина во Славија Софија. Стоперот на Македонија во петокот даде деби гол, а сега и автогол во првиот Куп натпревар против ЦСКА Софија која славеше со 2:0.

Пред крајот на вториот период од мечот Минесота Тимбервулфс - ЛА Клиперс кој заврши 109:104, една жена активист за правата на животните втрча во терен и по едниот кош се залепи со лепак со цел подолго време да биде на терен и да го привлече вниманието во борбата против убивање кокошки и други животни во големата фарма на сопственикот на Тимбервулвс, Глен Тејлор.

Срамот на сезоната го изеде Рафаел Сориано, а ударот шармантната Марсиели Нето. Сориано е отпуштен од клубот и суспендиран во фудбалот на еден месец. Нека оди да се сокрие.

„Жолтата подморница“ е најголемото чудо сезонава во Лига на шампиони откако ги елиминираше Јувентус и Баерн Минхен во осминафинале и четвртфинале и наострен влегува во полуфинале каде најверојатно ривал ќе им биде Ливерпул. По големиот триумф над Баерн Минхен со вкупен резултат 1-2, фудбалерите во транс славеа пласман во полуфинале.

Во ера на шеици, нафтни магнати, милијарди евра за трансфери кои го обликуваат модерниот фудбал, островот наречен Виљареал се бори на најромантичен начин.

Актуелниот и 13 кратниот шампион на Европа приредија драма за сите пари, долга 120 минути. Кога кралевите имаа резултат за полуфинале, Тибо се коцкаше малку пред гол, тоест правеше шоу. Хаверц велат дека уште клиза на Бернабеу.