Златниот гол благодарение на кој Украина ја совлада Шведска и се пласираше во четвртфинале на Европско 2020, го постигна малку познатиот центарфор Артем Довбик.

Оние што љубат тенис, уживаат што стартуваше најпрестижниот тениски турнир во светот. Но заврна дожд кој влијаеше во распоредот на натпреварите, но и на расположението на некои играчи. Тоест на еден, познат како доста терсене.

Селекцијата на Франција претрпе срамен пораз во осминафиналето, а една од најголемите разочарувања во нивниот табор е перформансот на Килијан Мбапе. На Твитер му пукаат сеир и го споредуваат со Горан Пандев.

Кога вакви сцени би виделе некаде во регионов, тогаш некои несфатени проповедници ќе грмеа како се тоа изливи на национализам, на бес, на фрустрација, на ужас. 29.06.2021 Вембли, Лондон: Англија - Германија пред 45.000 гледачи. Химната на Германците пред почеток на мечот

15 години селектор, светски шампион со Германија, ама џабе. Некои навики очигледно тешко се менуваат. Тик ли му ова мајката? Гадно во секој случај.

Четврти осминафинален натпревар кој отиде во продолженија, што е рекорд во историјата на нокаут мечевите од ЕП. Овој пат беше решен во последните мигови со гол на Артем Довбик кој погоди за 2:1 и закажа битка со Англија. Ги искршија стативите во регуларните 90 минути.

Качен на ушка со пиво и во елемент, Јирген Клоп снимен како пее и навива за Англија. И ова се разбира е тотално збунувачки, а уште поголема збунка прави тоа што ќе мора да поверувате дека ова е неговиот двојник кој одлично умее да го имитира.

Германците им предизвикаа многу болка на Англичаните и тоа со две елиминации во полуфинале на пенали, прво на Мундијалот 1990, па на ЕП 1996. Одмаздата им е сега преслатка, а тоа се забележува и кај навивачи кои се собираат по барови и трговски центри.

Само 5 минути откако Стерлинг го отвори резултатот, Германците имаа чиста шанса за 1:1 во 81-ва минута, што ќе донесеше пеколен финиш на осминафиналето во Лондон. Но еден од најдобрите и најискусните играчи на Баерн Минхен и Германија, несфатливо го промаши цел гол кога излезе сам пред Пикфорд.

Стерлинг и Кејн ја решија фудбалска класика во своја корист и ја испратија Германија дома. Англија оди во четвртфинале против Шведска или Украина, а Јоаким Лев ја завршува долгата селекторска функција од 15 години.

И покрај тоа што е член на Штутгарт, а цела Европа го виде и на Европското првенство каде дебитираше со Македонија, сепак Даре не заборава од каде потекнува.

Германската фудбалска репрезентација имаше многу тешки ривали во групната фаза, така што во нокаут рундата налета на Англија и тој меч би можел да стане последен за Јоаким Лев на местото селектор на репрезентацијата. Во Европа нема тренер кој управувал подолго од Лев со една селекција.

Ако на еден натпревар има насилство и скандирање на национална основа и ако во тоа учествуваат навивачите и на двете екипи, МВР само на клубовите може да им напише казни до 30.000 евра.

150 било коефициент да ги погодиш Хрватска - Шпанија и Швајцарија - Франција дека ќе завршат 3:3. Епа на некој му успеала таа будалаштина и со 5 евра им земал 106.875 евра. Тикетот е уплатен во Германија. Не е нормален.

Шведска и Украина вечерва ќе имаат тешка и веројатно израмнета битка во која е тешко да се утврди фаворит. Последен пат се сретнаа во групна фаза на ЕП 2012. Тогаш испаднаа и двете селекции во групи, бидејќи се најдоа во друштво на Франција и Англија.

Неверојатниот кам-бек на Швајцарија против светскиот шампион Франција направи и Швајцарците на трибините да поминуваат низ права емотивна вртелешка. Од солзи и плачење до солзи радосници во само 1 минута.

Мирниот Бразил порано обезбеди прво место на табелата во својата група и си дозволи да ги одмора најголемите ѕвезди како Нејмар и Фирмино во мечот пред нокаут фазата, ама Аргентина немаше таков луксуз.

Хрватската фудбалска репрезентација има огромна поддршка каде и да игра. Така беше и во понеделникот во Копенхаген каде илјадници навивачи во коцкести дресови ги бодреа фудбалерите кои направија епски кам-бек во самиот финиш од мечот со Шпанија.

Многу едноставно. Тенисерот треба да се вика Новак Ѓоковиќ кој со четири ас удари го уништи Британецот Џек Драјпер. На крај заврши 3:1 по 125 минути игра.

Му се вратија од 3:1 на светскиот првак, ги издржаа продолженијата, па за пеналите требаше да се издржи последниот чекор и да се задржи концентрацијата. Гранит Џака ги држеше во жар на капитенски и лидерски начин со жесток говор, а Харис Сеферовиќ му врза шамар на еден од колегите.

Некои ги критикуваат оваа Швајцарија е селекција без Швајцарци, други може бараа во четвртфинале страшна и неизвесна фудбалска класика Шпанија - Франција, но светскиот првак свитка кичма синоќа, а момците на Владимир Петковиќ беа упорни и тоа повеќе од 120 минути.

По спектаклот Хрватска - Шпанија кој заврши со дури 8 гола никој не очекуваше дека ќе гледаме уште полуд натпревар во Букурешт каде се сретнаа Швајцарија и Франција. Имаа „триколорите“ убедлива предност после пресвртот, ама Швајцарија се врати на луд начин и на пенали славеше.

Швајцарија поведе, имаше и пенал за 2-0 но промаши, па Франција направи тотален пресврт и кога изгледаше дека убедливо ќе слави, препотентноста им се одби од глава за сензација во Букурешт.

Шпанија е нов четвртфиналист на Евро 2020 откако вечерва во невозможен меч со дури 8 гола ја совлада Хрватска која неколку пати се креваше од нокаут. Во Копенхаген се одигра најдобриот дуел од досегашниот тек на континенталниот шампионат.