Швајцарија го нокаутираше светскиот првак, Франција во аут после пенал рулет

Швајцарија поведе, имаше и пенал за 2-0 но промаши, па Франција направи тотален пресврт и кога изгледаше дека убедливо ќе слави, препотентноста им се одби од глава за сензација во Букурешт.

Иако Швајцарија прва дојде до водство и доби пенал да го урне ривалот, мечот брзо отиде на страната на светскиот првак. Во прав ролеркостер во Букурешт, Швајцарија имаше минус од 1-3 на десетина минути пред крајот и триколорите со триото Мбапе-Бензема-Гризман веќе беа штиклирани за четвртфиналисти.

Но Швајцарците се кренаа од бездната и ги казнија арогантните Французи кои си поигруваа во финишот а селекторот Дешам дури и ги заменуваше главните фудбалери со цел да ги одмори за следната фаза.

Тоа го казнија момците со потекло од Балканот. Прво во 81' минута, стрелецот на првиот гол на мечот Харис Сеферовиќ по втор пат го совлада Лорис за 2-3 а нововлезениот Марио Гаврановиќ во 90' минута ги шокираше Французите и го однесе мечот во продолженија.

На крајот дуелот отиде на пенали а таму трагичар беше Килијан Мбапе на кого Зомер му го одбрани шутот и сензационално ги прати Швајцарците во четвртфинале.

29 јуни 2021 - 00:24

Штета ако сте пропуштиле

Руски страв од кинеската змија

Сте ја слушнале ли химната на СОНК?

Го имаме победникот!

Исцелителот за хомосексуалноста