Спектакл во Копенхаген, Шпанија ја доби драмата со Хрватска

Шпанија е нов четвртфиналист на Евро 2020 откако вечерва во невозможен меч со дури 8 гола ја совлада Хрватска која неколку пати се креваше од нокаут. Во Копенхаген се одигра најдобриот дуел од досегашниот тек на континенталниот шампионат.

ХРВАТСКА - ШПАНИЈА 3:5 (1:1)
/Педри а.г. 20', Оршиќ 85', Пашалиќ 90+2' - Сарабија 38', Азпиликуета 57', Торес 77', Мората 100', Ојарзабал 103'/

Трикратниот европски првак Шпанија успеа да се пласира во четвртфиналето по мега дуелот со Хрватска кој ќе се памети уште долго.

„Коцкестите“ поведоа со автоголот на Педри кога голманот Унаи Симон реагираше несмасно. Шпанците се вратија во финишот на првиот дел кога Пабло Сарабија израмни на 1-1.

Во вториот дел Феран Торес маестрално го пронајде Сезар Азпиликуета па и самиот стрелаше за убедлив пресврт од 1-3.

Но Хрватите со неверојатен кам-бек, прво преку сјајниот Оршиќ па со евроголот на Пашалиќ со глава во 90+2' минута израмнија 3-3 и мечот отиде во продолженија.

А таму Шпанците беа поконцентрирани и посигурни и со два експресни гола на Мората и Микел Ојарзабал заслужено славеа 3:5.

28 јуни 2021 - 20:33

Штета ако сте пропуштиле

Битола и Тетово го поделија парламентарното прасе

Поглед од нашата редакција

Каква беше Сирија пред војната?

Хармоника жичара