Репрезентативците на Англија одиграа блед и дефанзивен фудбал против Италија, речиси 90 минути, а полоши од нив синоќа беа само нивните навивачи кои не бадијала уште на времето си го заработија статусот на хулигани.

Во моментот кога изгледа дека е нападнат и се обидува очајнички да се одбрани, тогаш е најјак. Матео беше блиску до брејк во четвртиот сет со кој ќе поведеше со 4:2 и ќе сервираше за голема предност која ќе го доближеше до 2:2 во сетови. Но Ѓоковиќ токму во тој момент го направи потегот на мечот.

Во финале на лондонски „Вембли“ кој крцаше до последно место, Италија ја совлада Англија 3:2 на пенали по нерешените 1:1 во регуларен дел и продолженија и втор пат во историја станаа европски прваци.

По Австралија Опен и Ролан Гарос, Новак Ѓоковиќ го освои и третиот сезонски Гренд слем турнир откако во финалето на Вимблдон беше подобар од Матео Баретини. 20-та Гренд слем титула за Србинот за израмнување со двајцата најголеми ривали.

Проблемите со пандемијата отидоа во втор план во Аргентина. На улиците на Буенос Аирес и другите градови во земјата излегле илјадници луѓе за да го прослават шампионскиот трофеј на Копа Америка. Еден доставувач на пица случајно се затекнал пред крајот од мечот на адреса. Го примиле и славел со нив.

Малдини, Барези, Донадони, Анчелоти, Манчини, Виали...состав боли глава. Полуфинале против СССР кога Холандија со Ван Бастен стана европски првак. Други времиња се ова, со големи разлики. Химната грми со оркестар, ама фудбалерите се срамежливи, освен Валтер Ѕенга.

Ривалството е големо, ама и пријателството. Делеа врвни мигови заедно во Барселона, па дури еднаш за натпревар меѓу двете нивни репрезентации, Нејмар му рече ај со мојот авион накај дома. Честитки за среќниот Меси, утеха за скршениот Нејмар. Убави и поучни се ваквите моменти.

Босна одговара царот дека ќе освоела Европско, а кога го праша репортерката кој му е фаворит, вели не знам. Потоа ги извади наочарите за да поентира.

На свои 34 години, после 5 обиди и 3 порази во финале на Копа Америка, Лионел Меси го оствари својот голем сон и стигна до пехарот со својата Аргентина. И тоа среде Рио Де Жанеиро.

Во финалето на највредниот фудбалски турнир на Јужна Америка, Аргентина го совлада Бразил со 1:0 и после цели 28 години стигна до драгоцениот пехар по кого Лионел Меси тргнуваше 5 пати од кои 3 пати губеше во финале.

По долга пауза, Милан се враќа во новата сезона во Лига на шампиони. Три фронта не се наивна работа. Ако на Ибра му треба засилување во напад, може Иван Газидис да му се придружи. Погледнете каков егзекутор е.

Имаме голем пропуст после полуфиналето Италија - Шпанија. Сме го испуштиле најјакото славје на жабарите.

По напорната сезона со Баерн, која му продолжи во јуни на ЕП со Полска, Роберт батериите ги полни на Сардинија. Ама го познаа и му се собраа еден куп деца, а тој реши да им го направи филмот и дотеран во кошулче ја грабна топката.

Италијанска новинарка го прашува Барела да и ја опише магичната ноќ од Мундијалот 90-та. Знам дека си имал тогаш само 7 години му вели таа, а тој и одговара дека се родил 7 години подоцна, односно во 97-ма. Само 14 години е нејзиниот промашај..

Македонскиот претставник на Вимблдон го заврши настапот на најпрестижниот тениски турнир во светот. Имаме голем тениски талент кој допрва се очекува да го каже своето. Коментаторот зборуваше во суперлативи за него.

Најозборувана тема во атлетиката последните денови не се неколкуте светски рекорди, туку американската спринтерка Ша’Кари Ричардсон која беше голем фаворит за злато на 100 метри но ја суспендираа за Олимпијадата во Токио летово.

Кошаркарите на Феникс санс се на пола пат до првата шампионска титула во НБА лигата, откако го совладаа Милвоки Бакс и водат со 2:0 во финалната серија. Јанис Адетокумбо повторно одигра врвна партија, ама сите зборуваат за тимската акција на Сонцата.

Сергеј Самсоненко е минато во најтрофејниот фудбалски клуб во Македонија. Нов сопственик е компанијата „Блу скај инвестментс“ на чело со Слободан Крстевски. Тренер Горан Симов кој доаѓа од Силекс.

Полна сала, сите дојдени да го видат и слушнат легендарниот Жозе како нов тренер на Рома. Му засмета една црна завеса од страна која му шушкала па стана и ја тргна. „Туто бене“ им вика на присутните.

Суперѕвездата на Бруклин Нетс и член на дрим-тимот кој ќе патува летово во Токио, Џејмс Харден своите денови од одморот ги поминува во Париз но таму имал една неубава епизода со полицијата која го легитимирала. Наводно полицијата ги застанала него и раперите Кање Вест и Лил Бејби поради мирис на марихуана.

Финалистите на ова ЕП, на 11 октомври 1997-ма во Рим играа квалификациски натпревар за Светско. Имаме снимка во која Герет Саутгејт му влага со две нозе на Енрико Киеза, а овој го бутка со две раце од нервоза. 

Дебел, тетовиран, пијан и гол. Нели? И крајот се знае каков ќе биде, ама не ви го кажуваме.

Наполитанци не се закачајте многу со Елиф. Вешт е на мал простор не само со топка, туку и со боксерски ракавици. Штета што си замина Гатузо, можеби ќе паднеше нешто на тренинг чисто спортски.