Дончиќ блескаше со 34 поени, 10 скока и 10 асистенции и го забележи својот 55-ти трипл-дабл во кариерата.
Лука игра фантастична сезона и во просек постигнува по 25,3 поени, 10,8 скока и 9,5 асистенции. Логично е меѓу еден од најголемите кандидати за наградата МВП.
На новинарско прашање дали ги следи и останатите кандидати за ова признание, Дончиќ вели: „Не ги гледам баш. Гледам некои НБА натпревари, но повеќе гледам Евролига отколку НБА. Но ако има добар НБА дуел на тв го гледам“.
Ова му беше воедно и деветти трипл-дабл на Дончиќ во сезоната, а 55-ти во кариерата. „Не бев свесен дека постигнав трипл-дабл, но ете, се се гледа на семафорот“, низ насмевка изјавил Лука после новата победа на Далас.
