Македонската ракометна репрезентација живна после очајното Светско и со добра игра, на моменти со осцилации, му пружи голем отпор на фаворитот Португалија во третото квалификациско коло за ЕП 2024.

„Кога отидов во Вардар во населбата Пролет изби револуција. Икиќ отишол во Вардар. Ѓубре, ваков, таков, како не му е срам, најголем душман ни е Вардар, тој отишол таму. Во сандаче наоѓав по 50 писма од навивачи. Тоа беше невиден притисок, не можев да го издржам и се вратив во Пролет“.

Мајк Тајсон не случајно го имаше прекарот „Железниот“, затоа што неговиот удар бил силен како удар со туч. Противниците издржуваа јадните по некоја рунда со него, додека не влезеше како мелница да ги меле во некое ќоше од рингот. Сега во САД снимиле видео со совети како да преживееш удар од Тајсон. Хм?

Пари Сен Жермен одново нема да го освои најсаканиот трофеј, оној од Лига на шампиони кои навивачите и овој клуб го сонуваат со децении. Тимот предводен од Криштоф Галтие загуби и на двата меча со Баерн Минхен и испадна во 1/8 финале.

Легендарниот кошаркар на Сиетл Суперсоникс е фатен жив како вади пиштол и пука пред трговски центар. Се соочува со затворска казна.

Џејк Пол е 26-годишен Американец кој станал познат по емисии на Јутјуб и другите социјални мрежи. Во еден момент почнува да снима и рап-музика, а во 2018-та решава да се проба во боксот. Во декември 2019-та го имаше професионалното боксерско деби. Остварил неколку победи во рингот и станал уште попознат.

Лос Анџелес Клиперс го доби Торонто со 108:100, а Кави Леонард го залепи Јакоб Поелтл на постер.

Во Норвешка фудбалската лига почнува на 10-ти април. Уште е зимска пауза, очекувано, временските услови таму не дозволуваат редовни кола, па периодот за одмор го искористила и една кума лија. Си легнала на трибина на стадионот на Бодо Глимт.

Пазете го видеово. Де Јонг оди со девојка му на стадион, ама не може да седат заедно. Пике не им дава, мафта со рацете и се буни нешто. Френки се обидува да го вразуми заедно со уште еден човек, а од страна снимаат луѓе и пукаат сеир. Погледнете ги на крај реакциите на Де Јонг и девојка му и ќе ви стане јасно. Срамотилаци.

И децава што влетуваат на терен не се повеќе тоа што беа. Обично бараат селфи или дрес, ама во последно време и тие не знаат што сакаат. Клоп беше бесен пред неколку дена на дербито против Манчестер поради тој глупакот кој ќе го повредеше Робертсон, а овој од вчера на Алијанц делуваше несмасно.

По пауза од 11 години, Милан се враќа во четвртфиналето од Лига на шампиони, откако дома го победи Тотенхем 1:0, а на гости одигра без голови. Кејн и Ориги им качија притисок на навивачите во судиско. Прво Мајк Мењан му скроти чист удар на напаѓачот на Тотенхем, а потоа од контра Ориги ја погоди стативата.

Лани Реал, преклани Баерн, вечерва повторно Баерн. Фудбалерите на ПСЖ глава не можат да кренат од великани во нокаут фазата од ЛШ и ниту знаат како да ги минат. По поразот дома од 0:1, Парижаните останаа без муниција и на Алијанц. Им пресуди токму нивниот поранешен напаѓач, Камерунецот Ерик Максим Чупо Мотинг. Гнабри во финишот ги постави конечните 2:0. Во четвртфинале оди и Милан кој одигра 0:0 во Лондон.

Баерн и ПСЖ одиграа без голови по првите 45 минути, а адреналинот кај навивачите најсилен беше во 38-ма минута, кога искусниот швајцарски голман направи грешка недозволива за меч од нокаут фаза во ЛШ. Му должи пиво на Матајс Де Лихт кој ја извади од гол линија во последен момент.

Првиот светски рекет сигурно нема да игра на супер турнирот Индијан Велс во САД, а речиси е извесно и дека ќе го пропушти турнирот во Мајами. Гувернерот на Флорида и потенцијален кандидат за претседател на САД, Републиканецот Рон Де Сантис побарал од претседателот Бајден и властите да му овозможат влез на Ѓоковиќ во САД.

Во друштво на сопругата, децата, родителите, како и Ванеса Брајант, Пау Гасол имаше многу емотивна вечер во „Крипто.ком“ арената, организирана во чест на повлекувањето на неговиот дрес со број 16. Со Коби функционираа фантастично и заедно освоија два прстени. Имаа хемија на терен, потврдена од страна на Брајант во соблекувална.

По триумфот над Њукасл од 2:0, Пеп Гвардиола на фудбалерите им дал два слободни дена. Вокер решил да се опушти најмногу од сите, ама го фатиле камери.

Откако УЕФА условно ги казни хрватските клубови Осијек и Ријека, словенечка Олимпија Љубљана, грчки Арис од Солун, Астана од Казахстан и уште шест други клубови меѓу кои и Борац Бањалука со можно исфрлање од еврокупови поради неизмирени средства во период подолг од 90 дена, Босанската фудбалска федерација дополнително го казни Борац Бањалука со 4.000 долари поради тоа што на отворање на пролетната полусезона на средбата со Широки Бријег, навивачите извадиле парола „Слава на Русија“ и навредлива парола за Нато на руски јазик.

Само што се загреа ирското фудбалско првенство, Шамрок Роверс и Корк Сити одиграле спектакуларен меч со дури 8 гола. На крајот реми 4:4, а од двата гола на гостинскиот фудбалер Дарах Кроули, првиот за 1-2 му беше феноменален од пола терен.

Ова е уствари кога имаш еден слободен ден во неделата и не можеш да одлучиш на која од двете омилени работи да го потрошиш.

Девет месец го немаше поради повреда, што на таа возраст е сосема нормално човек да рече доста е. Ама не, Златан реши на тие години, после операција на колено да се фрли на долг рехабилитациски и тренажен процес и успеа да се врати. Каков карактер.

Лос Анџелес Лејкерс организираше церемонија за легендарниот шпански кошаркар чиј дрес со 16 оди во историјата.

Цела сала гледа во тебе, а ти си навивач кој дошол да гледа баскет и да ужива. Плус имаш притисок вреден 20.000 долари. Не оди ова така лесно. Од пола терен е шутот.

Во КОНКАКАФ Лига на шампиони турнирот за Северна Америка, Алијанца од Ел Салвадор и Филаделфија одиграа без голови во првиот меч од 1/8 финалето. Најинтересен момент во таква ситуација направи куче кое упадна на терен.