Не важи веќе непишаното правило кога губи Реал губи и Барселона. Мадриѓаните изгубија 1-0 од Мајорка на гости, а Барселона искористи кикс на Реал, со 3-0 ја прегази Севиља и се одлепи на +8 поени на табелата. Во еден момент од мечот на „Камп Ноу“ гостинскиот тренер Хорхе Сампаоли му дал лист со инструкции на Жоан Жордан кој цели две минути трчал со листот во рака.

Наполи со 0-3 ја растури Специја. Два гола постигна Виктор Осимен со што е убедливо прв стрелец во Серија А со 16 гола, а Наполитанците се убедливо први на табела. Интересно, на загревање пред мечот Нигериецот силно со топка погодил една девојка која стоела меѓу навивачите на домашниот тим зад голот. Тој веднаш притрчал, се качил и ѝ се извинил.

Арсенал го бележи првиот пораз во Премиер лига после оној од Манчестер Јунајтед на 4 септември. Но останува лидер на 5+ пред Сити и со меч помалку. Благодарам треба да му каже на Хари Кејн кој со погодок во 15-та минута ги реши граѓаните и испиша историја за Тотенхем.

На српскиот центарфор не му оди во напад сезонава и има само 3 гола на 19 настапи во Серија А. Ама затоа погледнете го како одигра во одбрана на мечот против Болоња, која сепак собра драгоцени 3 бода во Фиренца.

Бојан Миовски потврди повеќе пати дека има убиствен голгетерски инстинкт, кој се надеваме дека што повеќе ќе го демонстрира и за репрезентација. Абердин го совлада Мадервел со 3:1, а македонскиот репрезентативец на два пати реагираше фантастично во шеснаесетник. Сега има 14 погодоци и е трет стрелец во Шкотска. Првиот му бега со 4 гола.

Ако ФИФА или УЕФА планира да воведе и „одбрана на сезоната“ нека почне со Гуљиелмо Викарио од Емполи. Ова што го изрежира против Рома е за медал.

Кина е апсолутен лидер во освоени златни медали во пинг-понг во поединечна, групна, машки сингл, женски сингл, мешани двојки. Имаат вкупно 107 освоени златни одличја на сите турнири. А како и не би имале со вакви тренинзи?

После цела бура која уште ги погаѓа, фудбалерите на Јувентус се издигнаа макар за момент и со 1:0 го совладаа Лацио во Купот на Италија со што се пласираа во полуфиналето. Единствениот гол на мечот го даде Бразилецот Бремер, а тренерот Макс Алегри беше бесен со Ди Марија по едно непромислено додавање во контра.

Тешко се опишува со зборови страста на Наполитанците за фудбал. Треба Пандев и Елмас да го објаснат тоа. По триумфот над Рома се наоѓаат на +13 пред вториот, идеална разлика за долгиот 33 годишен сон да им се претвори во реалност.

Од 62 трансфери кои предизвикуваат сомнеж кај италијанската федерација и органите на прогонот, дури 42 ги извршил Јувентус. Кјелини за време на короната наводно договорил пари под маса за цел тим, а Де Лихт и Де Шиљо испраќале скриншотови од разговори во полиција и обвинителство.

Рикардо Кварезма кој се пензионираше лани во дресот на Виториа Гимараеш на 39 години, е поим за секогаш атрактивниот надворешен фелш. Прекрасниот мајсторлук оди во наследство кај неговиот сонародник од Манчестер Јунајтед кој знае често и многу корисно да го употреби.

Велшкиот фудбалер кој освои дури 5 пехари во Лига на шампиони и 3 титули во Ла Лига со Реал Мадрид, пред 25 дена стави крај на фудбалската кариера и очекувано, прејде во неговиот најомилен спорт.

Синоќа беше бурно во најдобрата светска лига. Јанис Адетокумпо одигра страшен меч, постигна 54 поени со 19 скока, а ова му е дури трет пат на 11 средби на кои дава најмалку 50+ поени. Лука Дончиќ одигра маестрално и уфрли 31 поен со 8 скока и 4 асистенции во триумфот на Далас Маверикс над Њу Орлеанс, но се повреди на средина од третиот период и излезе од игра. На мечот Мемфис - Кливленд Кавалирс, Донован Мичел и Дилон Брукс се фатија во клинч па за малку беше избегнат поголем инцидент.

Откако Кристијано си замина од Бернабеу има постигнато 128 голови, а Карим 144. Човекот се препороди изминативе 5 сезони и остај фантастичната реализација, туку и игра за тимот, работи на терен, ги мотивира, проигрува, а на моменти воодушевува и со атракции. Штета што не влезе овој удар на Асенсио.

Разликата меѓу Барса и Реал се врати на 5 бода благодарение на Асенсио и Винисиус кои ја решија Валенсија за три минути. Бернабеу уживаше во евроголот на Марко кој испука бомба која никој не ја очекуваше. Голманот не мрдна.

Величествениот стадион „Вембли“ може да прими 90.000 гледачи, а англиските фудбалски власти решија за големото финале на Лига Купот меѓу Њукасл и Манчестер Јунајтед да има одреден број места зад головите каде навивачите ќе може да стојат, како некогаш во старите добри времиња.

Во рамки од купот на Аргентина, Дефенса и Хустисија го победи Итузаинго со 3:2. Николас Фернандез дал два гола за домашните од кои едниот конкурира за гол на месецот.

Енцо Фернандез, еден од протагонистите на светскиот првак Аргентина на Мундијалот во Катар, во јули 2022-ра направи трансфер од Ривер Плејт во Бенфика за 14 милиони евра. Осум месеци подоцна португалскиот тим од 22 годишниот играч од среден ред, извади рекордни 120 милиони евра за Премиер лигата кои ги исплати Челси. 30 милиони евра од таа сума оди во Ривер.

По килавиот јануарски старт со три ремија од по 1:1, Баерн конечно се израдува на победа во 2023-та. Ерик Максим Чупо Мотинг изведе асистенција која му ја споредуваат со потезите на Јохан Кројф.

Откако против Њу Орлеанс Пеликанс оствари нов трипл-дабл, 16-ти сезонава и вкупно 92. во НБА кариерата, Никола Јокиќ постојано добива прашања од новинарите дали и колку таквата статистика му значи? Јокиќ имаше урнебесна реакција.

Неверојатниот Килијан кој во драматична завршница на едно финале на Светско првенство ладнокрвно шутираше два пенали и двата ги погоди против Аргентина, овојпат не можеше да го скроти голманот на Монпеље, Бенјамин Лекомте. Во 10’ минута од дуелот на ПСЖ на гости, Парижаните добија пенал. Голманот му одбрани на Мбапе а судијата процени дека Лекомте прерано излегол од цртата и соиграчи влегле предвреме, па му даде нова шанса на Килијан.

Првата сезона во ПСЖ беше во подредена улога и со за него скромни 11 голови во цела сезона на сите натпреварувања. Сега има 14 до полусезона и игра шампионски.

Имаше сезонава неколку комични утки, ама ниедна како оваа. Во германскиот Куп, Унион Берлин го пречека Волфсбург и го совлада со 2-1. Буквално во последните секунди од мечот домаќините имаа невидена шанса да слават со 3-1 ама Жером Русион промаши нешто невозможно. Веднаш потоа доби „втора шанса“ да даде гол.