Гордоста на источна Германија, Динамо Дрезден е клуб со најголема поддршка во овој дел од земјата. Колку што играчите и управата низ изминатите години не ги биваше, толку навивачите стануваа едни од најјаките во цела Германија. 30 години не играле во Бундеслига, последен пат таму биле 1995-та, а сега се втори во трета лига со добри шанси да се вратат во цвајта.

Аргентина сонуваше светска титула уште од времето на Диего Армандо Марадона. Генерации и генерации чекаа, патеа, трпеа, страдаа на тој пат. На крај Лионел Меси ги однесе до трофејот и тоа по многу трнлив пат на Мундијалот во Катар 2022. Во финалето меѓу Франција и Аргентина се изведуваа пенали, а еве какви биле улиците на Буенос Аирес во тие моменти.

Со 11 гола и 6 асистенции на 18 средби во сите натпреварувања, 22-годишниот Кол Палмер е најдобар играч на Челси сезонава. Англискиот репрезентативец е интересен и за социјалните мрежи каде често се појавува со некое интересно видео. Сега последно пред дуелот со Брентфорд во Премиер лига излезе со дете поголемо од него.

Дваесет годишниот Алехандро Гарначо кој игра за Манчестер Јунајтед (додуше периодов е на ладење со тренерска одлука), е добитник на наградата „Ференц Пушкаш“ за најубав гол во календарската 2024-та година. Оној од гостувањето на Јунајтед кај Евертон кога победија 0-3.

Панатинаикос ја растури Олимпија Милано со 103:74, а мечот мина во знакот на Кендрик Нан кој одигра луда прва четвртина. Американецот во воведните 10 минути погоди седум тројки од вкупно 8 обиди, што е рекорд во Евролигата. Првата четвртина заврши 38:15, а Нан го заврши мечот со 39 поени. Ненад Димитријевиќ беше втор стрелец во својот тим со 15 поени.

Јувентус ја доби осминафиналната пресметка од Купот на Италија против Каљари со 4:0. Не знаеме дали и колку Македонци биле на Алијанц арената. За сега е познато само за извесна Ана Марија Ивановска.

„Гледај ова! Неверојатно е“, му рекол шпицот на Интер Маркус Турам на Бобо Виери за време на интервјуто за навивачите на Лацио после историскиот меч во кој Интер го прекрши ривалот 0:6 и му нанесе највисок пораз во клупската историја. Но илјадници тифози на римскиот клуб при резултат 0:5 и и при 0:6 грмеа како ретко кога.

Јувентус со 4-0 го испраши Каљари во Купто на Италија и обезбеди пласман во четвртфиналето. Душан Влаховиќ ја отвори серијата на својот тим и се смири со тифозите кои го скандираа неговото име. Аргентинецот Николас Нико Гонзалес кој се врати после повредата постигна прекрасен гол за конечни 4-0 во 89' минута.

За разлика од церемонијата „Златна топка“ која се одржа на 28. октомври во Париз, Реал Мадрид и Винисиус овојпат не го бојкотираа настанот во организација на ФИФА наречен The Best.

Бумот на Баер Леверкузен оваа година и официјално е измерен и потврден и од Гугл. Ниту еден друг клуб од Европа не е кликан колку нив.

Трансфер преговорите во фудбалот понекогаш не се такви какви што мислиме. Впрочем кој би рекол дека селектор ќе му кажува на играч кај да оди, посебно што во муабетов се работи за имиња како Марчело Липи и Сер Алекс Фергусон. Даниеле Де Роси, тогаш 22 годишен, имал скроз неочекувана средба со двајцата за време на Светското 2006-та и тоа во некоја просторија на аеродром.

Фин Ватчов е менаџер за маркетинг на социјални медиуми кој живее во Македонија и учи македонски. Воодушевен е од атмосферата на големото ракометно дерби во Боро Чурлевски. Оди на ракомет и во Скопје, потоа на Градски да ја гледа Македонија - Летонија, а снима и во хотелот на Горан Пандев во Струмица.

Болоња по историската сезона, сега игра во Лига на шампиони, деценискиот сон на многу навивачи на овој клуб конечно се оствари. Пред дуелот Бенфика - Болоња во елитната Лига на шампиони РАИ анкетира разни возрасни категории за исходот на дуелот. Бенфика - Болоња? Што ќе биде? „Ја сум за една п**ка“ каква прогноза“, одбруси стариот и ги смрзна сите во студиото.

Денвер Нагетс пак си играше со нервите на своите навивачи откако во драматичен меч го совлада Сакраменто Кингс 130:129. На гостински терен Никола Јокиќ стигна до својот 140. трипл-дабл во НБА кариерата, а јунак на мечот беше Џамал Мареј кој го постигна победничкиот кош.

Ескишехирспор е турски познат клуб. Има освоени шест трофеи во турскиот фудбал и е на шесто место на вечната листа најтрофејни клубови во Турција. 16 години беше прволигаш но потоа следувал голем пад и со години биле во пониски лиги. Во моментов се во петта лига каде се исфрлени поради неисплаќање обврски кон поранешни играчи и тренери.

Требаше да биде дерби на колото меѓу две екипи во топ форма и со ист број на бодови, но се претвори во кошмар за домаќините кои не паметат ваков пораз во Рим.

Навивач на Јувентус ги ремети гостите од Венеција за високите количества на вода во нивните канали, кои надојдоа како резултат на климатските промени. Фали поширок кадар, да видиме, можеби и пераи има ставено.

Адриано во опуштено издание и гол, класика. Десно од него е  Марко Матераци, а лево Цезар и двајцата поранешни клупски колеги од Интер. Во Рио се за неговиот проштален натпревар на Маракана.

Пеп Гвардиола зборува за повредата на Родри кој одиграл 75 натпревари минатата сезона, а од таму право на Европско кое го играше до крај. И општо за набиениот распоред со купишта мечеви. Во право е што често критикува на оваа тема, бидејќи фрчат повреди на сите страни. Реал на пример сезонава брои вкупно 26 повреди.

Легендарниот шпански фудбалер Хесус Навас го одигра својот последен домашен меч за Севиља на стадионот „Рамон Санчез - Пизхуан“. Двократниот европски и еднократен светски шампион со Шпанија и неколкукратен освојувач на Лига Европа во Севиља игра 18 сезони (од 2003/2004 до 2024/2025).

Европскиот првак со Шпанија, Марк Кукуреља во Премиер лигата важи за еден од поомразените фудбалери и кај навивачите и кај играчите. Тој на мечот Челси - Брентфорд во финишот кога неговиот тим бранеше предност од 2-1 изглуми фаул и го намести противничкиот играч Јанелт поради што овој доби жолт картон. Глумата на Шпанецот ги изиритира фудбалерите на Брентфорд, настана гужва во која и самиот Кукуреља доби втор жолт и црвен картон на крајот.

На 16 декември, 2022-ра, на два дена пред спектакуларното финале меѓу Аргентина и Франција во Катар, замина големиот Синиша Михајловиќ. Европски првак со Црвена Ѕвезда, шампион на Италија со Лацио, симбол на славните ју времиња, неприкосновен изведувач на слободни удари, успешен тренер, фајтер во душа, почитуван во фудбалскиот свет. Жалеше само за една работа во животот која ја објасни во тв гостување во Италија пред 5 години.

Проценката на полицијата во Глазгов е дека на улиците на Глазгов се судриле околу 150 членови на групата Зелена Бригада (Селтик) и Унион Беарс (Ренџерс). Судирот бил толку жесток што и самите присутни полицајци решиле да се повлечат пред да стигне засилување.