Ниту најголемите фудбалери на светот Лионел Меси од Интер Мајами и Кристијано Роналдо од Ал Наср, ниту најдобриот светски тенисер не се на чело на најбараните спортски личности на Гугл пребарувачот за годинава.
Веројатно од оваа причина ниту едниот ниту другиот не се ни во ТОП10 најпребарувани личности на Гугл во 2023.
Првото место му припаѓа, верувале или не на играч од американски фудбал - Дамар Хамлин од Бафало Билс чие име било најбарано на Гугл годинава дури и вон спортските теми. Во европската јавност ретко кој слушнал за него. Хамлин во јануари годинава доживеал срцев напад на сред терен, но по опоравокот успешно се вратил на теренот.
Втор најпребаруван на Гугл е француската мега ѕвезда Килијан Мбапе од ПСЖ. Трет е уште еден НФЛ играч од САД, Тревис Келси од Канзас Сити Чифс. Од фудбалерите во ТОП10 е и Хари Кејн кој е на петто место а на четврто е атрактивниот кошаркар на Мемфис Гризлис Џа Морант.
Новак Ѓоковиќ е на 6-то место како најбаран спортист на Гугл а Карлос Алкарас на 7-мо место. Меѓу екипите најпребаруван е Интер Мајами, Манчестер Сити е на четврто место, Ал Наср на трето а на второ е ЛА Лејкерс.
После Хамлин, второ најпребарувано лице на Гугл во 2023-та бил актерот Џереми Ренер кој преживеал сериозна лавина на почетокот на годинава а Метју Пери и Тина Тарнер се исто така меѓу најпребаруваните на најголемиот светски интернет пребарувач.
Во светот на филмот, доминира „Барби“ како најпребаруван, после него се Барбенхајмер и Опенхајмер како и индискиот трилер „Џаван“. Што се однесува до сериите најпребарувани биле „Последниот од нас“, „Среда“ и „Џини и Џорџа“.
Најпребарувана песна била „Јоасоби“ од јапонски автори. После неа најбарани иле песните „Try That In A Small Town“ од Џејсон Алден и од Шакира "Bzrp Music Sessions, Vol. 53".
