Мала неприлика за Ѓоковиќ: „Дојди и симни се ако смееш“

Новак Ѓоковиќ денес во Мелбурн во 2. коло од АО играше против домашниот тенисер Алексеј Попирин па повеќето присутни на „Род Лејвер Арена“ навиваа за него. Новак трпеше и разни урлици од трибините, еден навивач постојано го провоцирал и му дофрлал, а во петтиот гем од четвртиот сет не можеше да издржи па му возврати: „Дојди симни се па кажи ми во лице ако смееш“.

После тешко извојуваната победа против Попирин за 3 часа и 11 минути, Новак даваше интервју во кое кажа дека уште не е на потребното ниво за вакви натпревари и дека ја бара правата форма. На прашањето што било со навивачот од трибините, Ѓоковиќ кратко одговори: „Обично викаат од трибините а кога ќе ги повикаш да симнат долу ги нема“. 

Српскиот тенисер ја забележа 91-та победа во кариерата на Австралија Опен, а 30-та јубилејна по ред. Во петок наутро по Средноевропско време ривал во 3. коло ќе му биде 24-годишниот Аргентинец Томас Мартин Ечевери.

 

17 јануари 2024 - 14:17

Штета ако сте пропуштиле

Капитализмот сега бара од вас да бидете (малку) мрзливи

Некого во режија го фаќа депресија

Равнајс!

Како Чарлс Дарвин би им ја објаснил еволуцијата на деца