По три месечна пауза поради повреда, Белорусинката Викторија Азаренка на својот 25. роденден се врати на терените, но загуби од Венус Вилијамс во 1/8 финалето (6-4, 7-6), по што веројатно ќе го загуби 10. место на ВТА листата.
За Венус ова ќе биде 10 - то четвртфинале во последните 12 настапи на Стенфорд.
Во меѓувреме, некогашниот број 1 во светот и освојувач на Ролан Гарос, Ана Ивановиќ ја игра најдобрата сезона во последните 5 години. Србинката ја победи квалификантката Карол Жао од Канада (6-1, 6-1), по што закажа дерби дуел против Серена Вилијамс.
По овој триумф, српската тенисерка, после цели 5 години ќе се врати во топ 10 листата најдобри тенисерки, откако годинава победи на три турнири.
Ивановиќ и Серена се сретнаа во јануари на Австралија Опен, а мечот го доби Ана, но Американката возврати со триумф во Рим пред 3 месеци.
Победникот од овој дуел оди во полуфиналето каде ќе се сретне со подбриот од мечот Венус Вилијамс – Андреа Петковиќ.
