Со овој пораз Алкараз дополнително ги намали шансите до крајот од годината да биде на прво место каде веќе долго време е Новак Ѓоковиќ
Мечот Алкараз - Сајфулин траеше 99 минути а на крајот Русинот (26) ја забележа најголемата победа во кариерата. Алкараз во 2023-та ниту еднаш не загуби на првиот меч на турнирите на кои учествуваше, а сега првпат.
Во текот на мечот од 2. коло (Алкараз како носител не играше во 1. коло), беше очигледно дека младиот Шпанец не е во добра форма. Грешеше два пати повеќе од ривалот, имаше проблем со сервисот. Сајфулин кој на главниот турнир стигна после квалификациите го искористи падот на форма на Алкараз.
Ова е прва победа за 26-годишниот Сајфулин над играч од Топ3 и вкупно трета победа над ривал од Топ10 во кариерата (во Шангај го совлада Зверев) а сега во битка за четвртфинале го чека сонародникот Карен Хачанов.
Денес на теренот во Париз ќе играат фаворитите Ѓоковиќ Циципас, Медведев, Руд, Тим, Руд, Синер, Зверев и Руне.
