Последниот пораз на Барса дома во својата „Палау Блауграна“ датирал од 13-ти април 2018-та! Тоагаш изгубиле од Гранољерс, екипа од која пак изгубија после 199 меча без пораз на домашен паркет, цели седум години!
Гостите од Гранољерс дошле без нивниот најдобар ракометар Феран Кастиљо, но него достојно го заменил Пабло Урдангарин кој заиграл бек иако е крило. На полувреме Барселона водела 18-16 а на крајот Гранољерс славел 30-31 и ѝ го нанел на Барса првиот пораз на домашен терен во салата „Палау“ после цели 7 години!
¡¡𝐇𝐈𝐒𝐓𝐎𝐑𝐈𝐀 eres tú, @BMGranollers‼️🤯🤯🤯
— Liga Plenitude (@ASOBAL) April 4, 2025
Nos metemos de lleno en la celebración en pista del equipo vallesano cuando se ha desatado la locuuuura con el triunfo visitante en el Palau😱😱😱
¡𝗚𝗥𝗔𝗡𝗢𝗟𝗟𝗘𝗥𝗦 𝗟𝗢 𝗛𝗔 𝗩𝗨𝗘𝗟𝗧𝗢 𝗔 𝗛𝗔𝗖𝗘𝗥!🔥🔥🔥🔥
¡Jornada… pic.twitter.com/ZSK1QfDHij
Интересно, токму Гранољерс беше последната екипа која ја поразила Барселона на нејзин терен. Пред седум години, со гол тогаш на Бернатонис на три секунди пред крајот од мечот.
Овој пат решавачкиот историски гол го постигнал Антонио Гарсија од пенал, а претходно во акцијата пенал изнудил играчот на мечот Пабло Урдангарин кој тргнал да го даде својот седми гол на натпреварот.
Дика Мем ја водел Барселона во првиот дел и бил најзаслужен што домаќинот колку-толку резултатски се одлепил. Но капитенот и лидер на Барса бил исклучен две минути поради груб удар над Пабло Урдангарин, а по враќањето во игра не играл во ист ритам.
Иако на 10 минути пред крајот се чинело дека Барса има се под контрола: воделе убедливо 28-24, Гранољерс тргнал фуриозно и со неколку јуришни напади прво израмниле а на крај и победиле.
Уште поневеројатна оваа победа ја прави занимливоста дека под сводовите на „Палау“ култната сала, виси дресот со број 7 повлечен во чест на легендарниот Ињаки Урдангарин, а сега неговиот син Пабло со број 77 на дресот ја разбил Барса и и го нанел првиот пораз на домашен терен после цели 7 години.
Најефикасни на мечот кај Гранољерс во победата биле Анотнио Гарсија со 7 гола (2 од пенал), Урдангарин со 6 и Ромеро со 6 погодоци, а по 3 дале Гвихаро, Франко и Реј.
Кај Барса најефикасен бил Дика Мем со 9 гола, Нгесан имал 4, Ричардсон 3 (2 од пенал), Фраде 4 гола и Петар Чикуша 3 гола. Барселона е лидер и скоро сигурно ќе ја освои титулата, 15-та по ред во Шпанија, но ќе се памети овој прв пораз после 199 меча на домашен терен. Каталонците имаат 10 бода повеќе од второпласираниот Гранољерс. До крајот на сезоната во Шпанија има уште седум кола а Барса ќе игра уште три на домашен терен.
Во 2021-ва година Барселона службено изгубила натпревар против Торевалеха (0-10) поради нерегуларен погодок кој подоцна службено бил поништен. Барса сега ќе треба да победи во Бенидорм следното коло за да ја освои 15-та победа по ред.
Барселона во меѓувреме ја чека и четвртфинале во Лига на шампиони против Сегед, како последен чекор пред евентуален Фајнал Фор.
