И веќе не знаеме по кој пат објавуваме видеа со атмосфера и кореографија од навивачите на Ајнтрахт Франкфурт кои сезонава се сигурно навивачи број 1 во Лига Европа. Страшни се дечкиве.
Додека ние гледавме и уживавме за време на возбудливиот меч од ЛШ, една група Македонци имаше привилегија господинот 600 голови да го гледаат во живо како го делка Ливерпул. Плус и голот му го снимија од трибина. Блазе си им.
Монтереј е новиот шампион во КОНКАКАФ зоната или поедноставно Лига на шампиони во Северна, Централна Америка и Карибите. На првиот дуел славеа 0:1 против Тигрес, а синоќа 1:1. Погледне ја оваа величествена атмосфера која ја приредија домашните навивачи.
На Стариот континент има неколку клубови кои историски асоцираат со еврејската дијаспора: Тотенхем, Ајакс, Рома, Славија Прага, Краковија, Видзев. Најпознатите од нив вечерва играат во полуфинале на Лига на шампиони.
Која лакрдија знае да биде спортот во нашиов регион. Во 21 век уште сме должни да слушаме грди националистички извици со порака за убиство, да пишуваме дека некој гаѓал со цигла во сала (како ли ја внесол?) и да гледаме како навивачите си шутираат под кош. Анбливбл.
Ајнтрахт Франкфурт четири децении се нема пласирано во европско полуфинале, а синоќа тоа го направи по потешкиот пат. Пораз од Бенфика 4:2, па победа на домашен терен од 2:0. Навивачите се остреа за инвазија на терен, ама изгледа не им се гледа полуфинале на телевизија.
Двајца португалски навивачи имаа желба во живо да му дадат поддршка на својот тим во четвртфиналето од Лига Европа, но ниту тие го одбранија резултатот од првиот дуел, ниту момциве го погодија стадионот. Повеќе среќа следниот пат.
Пред дербито Милан - Лацио (1-0), стоперот на Римјаните, Ачерби изјавил како се подобар тим и доаѓаат во Милано по сигурна победа. На сето тоа, Бакајоко од Милан прво учтиво го разменил дресот со Ачерби пред крајот од мечот, а подоцна иронично го покажувал пред своите навивачи со соиграчот Франк Кеси.
Прво не им се веруваше дека Стерлинг ги носи во полуфинале со гол во 93-та, а потоа не им се веруваше дека голот е поништен и ништо од бизнисот. Да не си им во кожа.
Не дека многу ја следиме фудбалска сцена во БиХ, ама и покрај тоа не веруваме дека вакво нешто се случило до сега. Се работи за навивачката група на актуелниот првак Зрински од Мостар која слави 25 години постоење. Ова е нестварно славје за таков кутар фудбал сличен на нашиот. Да не знае човек ќе мисли дека ова се германски ултраси.
Ајакс има верни и познати навивачи кои ги бива за спектакли и за вознемирување на гостите, ама знаат и да се тепаат со полиција. Бајаги жустро било пред мечот со Јуве.
За македонскиот ракомет од исклучителна важност е што некои центри како Охрид, Битола, Струга имаат свои претставници во најдобрата лига. Ракометот во овој дел од земјава секогаш бил спорт број 1, а доказ за тоа се и преполните сали кога се игра дербито Охрид - Струга.
Пред вечерашниот дуел од 1/4 финалето на Лига на шампиони во Амстердам, фудбалерите на Јуве го доживеале она што го претрпеа и многу пред нив кога гостуваат во главниот град на Холандија. Неколку килограми огномет, разна пиротехника и петарди.
Чекаа, чекаа и конечно дочекаа да гледаат фудбал на неверојатно модерниот стадион на Тотенхем, вреден близу милијарда фунти. Хотспур веќе прослави две победи на оваа Арена, од кои една против Манчестер Сити (1:0) во Лигата на шампионите.
Секој што седел во маало на клупи со Горско и соленки од 10 денари го разбира оној студентски живот каде 100-ка ја цениш како 1000-ка. Добро сторијава со студентов од Англија е сосема поинаква, ама ние си сакаме парарели. Без разлика што сме штеделе за во град, а тој за два светски стадиони, сепак го жалиме.
Фудбалот во Аргентина е религија. Таму е сосема нормално човек да уплати за услуга фрлање на пепелта по својата смрт, на омилениот терен и стадион. Нека не ве чуди ни ова што го направил овој фрик, навивач на Расинг Клуб.
Во шкотската Премиер лига минатиот викенд се судрија омразените ривали Селтик и Ренџерс. Победија „келтите“ со 2-1 а амбиентот на трибините беше преубав.
Член на навивачката група Рибари се враќа од ракометен натпревар меѓу Охрид и Прилеп. Носи со себе прстен и другари - ултраси со бакљи кои му помагаат и му олеснуваат девојка му да не се премисли. Реално нема тука кај да бега. Чаршијата е во транс.
Македонската фудбалска репрезентација на стадионот Стожице имаше голема поддршка од Македонци кои живеат во Италија. Организирано со автобус отпатуваа за да ги бодрат во Словенија, а овие им возвратија ептен како што треба. Џани на крај им беше водач.
Во неколку дневната програма на квалификациски натпревари кои траат до утре, имаше едно големо изненадување во Казахстан кое и се случи на Шкотска. Без разлика на срамниот резултат, нивните навивачи кои беа два пати и во Скопје, не престануваат со својата мисија која освојува сечие срце.
Македонската фудбалска репрезентација има голема поддршка на вториот квалификациски меч на гости во Словенија. Меѓу македонските навивачи во Љубљана како засилување пристигнаа и околу 50 ептен расположени Македонци од Италија.
Манчестер Јунајтед и Барселона веќе одиграа едно полувреме од четвртфиналната пресметка во ЛШ од која стапот го изедоа навивачите на двете екипи. Додуше повеќе шпанските навивачи, освен ако Барселона не го ископира Јунајтед.
Раја Казабланка од Мароко денеска слави 70 години од своето постоење. Навивачите кои се добро познати по правење невидени фешти, одат на стадион и прават шоу за сите пари, со сите бакљи. Многу, многу јако.
