Англискиот фудбал има посебна драж. Вековна традиција негувана од колено на колено, пролеана со многу кригли пиво. Особено интересен е овој дел од сезоната кога се играат баражи за пласман во повисок ранг. Тоа за нив е фестивал. Синоќа играа Чарлтон и Викомб, реванш натпревар од полуфинале за пласман во втора лига Чемпионшип. Чарлтон победи 1-0 со гол во 81' минута и ќе игра во големото финале на Вембли против Лејтон Ориент. Победникот оди во втора лига.
