Навивачите на Баерн удрија по Кан и Салихамиџиќ

И покрај убедливите резултати во групната фаза и елиминацијата на ПСЖ од кој не примија ниту гол, Баварците останаа и без Лига на шампиони. На удар е управата.

Баерн Минхен не успеа да излезе на крај во четвртфиналното соочување со Манчестер Сити и со вкупни 1:4 ја завршува европската авантура за оваа сезона.

Две елиминации во рок од две недели им се случија откако сменија тренер и на местото на Нагелсман го назначија Тухел. Прво загубија дома од Фрајбург во четвртфиналето од домашниот Куп, а синоќа им се случи шамар и во ЛШ.

Тухел тргна лошо со само две победи на шест меча, а навивачите извадија две пароли и го вперија прстот кон извршниот директор Оливер Кан и спортскиот директор Хасан Салихамиџиќ.

„Може да се промашат голови, но не и вредностите на клубот. Во прашање е политиката на управување“.

„Брацо + Кан: Херои на минатото, губитници на денешницата“.

Баерн во групна фаза тргна убиствено и е единствен тим со 6 од 6, остварени против Интер, Барселона и Викторија Плзен и тоа со гол разлика 18:2. Потоа во осминафинале го збришаа ПСЖ со вкупни 3:0.

Спасот на сезоната останува да го бара во Бундеслигата, но и таму не е убедлив. Минатото коло одигра дома 1:1 против 13-то пласираниот Хофенхајм и е прв со само 2 бода предност пред Борусија Дортмунд. 

20 април 2023 - 10:27

Штета ако сте пропуштиле

Нашите од Икс Фактор

Олд вејв

Детал од грчката криза

Зошто јадењето месо во Америка е како да се храниш во аптека