Брентфорд никогаш не играл во Премиер лига. Од далечната 1947-ма не играле во прва лига (тогаш под поинаков назив).
После 74 години се во прва лига и на отворањето го победија големиот Арсенал со 2:0. Интересно, стадионот „Брентфорд Комјунити“ е отворен во есента 2020-та и станал 60-ти стадион на кој се играл меч од Премиер лига. Капацитетот на овој стадион е 17.000 гледачи.
Голема радост во Англија донесоа полните трибини на дуел од Премиер лига, зошто речиси една година лани имаше ограничувања и воопшто немаше ни публика. Сега благодарение на високото ниво на вакцинација, властите допуштија влез за навивачите.
Пред преполн стадион Брентфорд ја забележа првата победа во прва англиска лига уште од 1946-та година! Цели 75 години генерации и генерации чекале нивниот омилен клуб да влезе во најдобро друштво што на крај и се случи.
A Brentford fan is in tears at full-time after winning their first top-flight game for 74 years 🙏 pic.twitter.com/FE6yv9t2Z1
— Football Daily (@footballdaily) August 13, 2021
Брентфорд го победи фаворитот Арсенал со 2:0 со по гол во прво и второ полувреме. До почетокот на останатите натпревари Брентфорд е прв на табела во Премиер лига.
