- Управата на ЛА Лејкерс се одлучи за чудно и неочекувано решение. За нов тренер на екипата го назначи довчерашниот кошаркар Џеј-Џеј Редик (40). Редик во кариерата играше за Орландо Меџик кој во 2006-та го одбра како 11-ти пик на драфтот, за Милвоки Бакс, ЛА Клиперс, Филаделфија 76ерс, Њу Орлеанс Пеликанс и Далас Маверикс.
- Редик го имал првиот ден на новото работно место на својот 40-ти роденден. Тој во 2021-ва година ја заврши играчката кариера.
- На промоцијата рекол дека кратко се видел со 39-годишниот лидер на ЛА Лејкерс Леброн Џејмс кого го опиша како свој пријател. „Не зборувавме многу се до четвртокот напладне кога помуабетивме 30-ина минути откако ми понудија работа“. Леброн има да одлучи до 29-ти јуни дали ќе го продолжи договорот со Лејекрс или ќе стане слободен агент. Ако продолжи да игра ова ќе му биде 24-та сезона по ред во НБА.
- Фудбалскиот клуб Партизан веќе неколку години едвај преживуваше со претходната управа која за еднодецениско владеење буквално го спушти клубот на многу ниски гранки. Во меѓувреме дојде нова управа во која најмногу се истакнува некогашниот европски шампион со Реал Мадрид, Предраг Мијатовиќ.
- Новата управа донесе и новости (новости за овие простори) во управувањето, па отворено се разговара за секој проблем, па и за долговите кои со години беа најголема мистерија.
- „Во јавноста има многу инсинуации, ќе бидам конкретен. Долгот на клубот е 53.128.000 (пеесет и три милиони и сто дваесет и осум илјади евра). Кон клубови, домашни и странски долгот е 7.250.628 евра, од кои кон домашните клубови 1.883.187 милиони. На играчите, тренерите и стручњаците за спорт им се должи 10.227.000 евра од што на поранешните првотимци, тренери и скаути 4.674.000 евра. На активните во моментов им се должи сиот преостанат дел од долгот. Долгот по основ на данок изнесува 22.487.000 евра, кон менаџерите 6,8 милиони евра а останатите обврски изнесуваат 1.472.000 евра.“, отворено кажал Мијатовиќ на завршната прес-конференција на Партизан.
- Новиот претседател на ФФМ, Масар Омерагиќ најави дека нема да има смена на селекторската функција, тоа може да се случи само ако резултатите во иднина не бидат добри.
- „Немам намера да влечам нефудбалски потези. И покрај кризата во играта, ние бевме први во групата. Во март започнуваме со квалификациите, не планирам никакви промени, се ќе зависи од резултатите и игрите понатаму“.
- „Не мислам само за враќање на Ристовски и Адеми, туку на сите кои поради нешто не играат за репрезентацијата. Македонија е мала земја, ние мора да ги искористиме сите играчи. Тие двајца се прекрасни луѓе и фудбалери кои играат во Лигата на шампионите. Мора да се разговара со нив, а со разговор за се ќе се најде решение. Интересот на Македонија и на селекцијата е на првото место, а потоа е се останато“, изјави Омерагиќ
