- Претседателот на Украина, Зеленски одобрил неговата земја да го прифати повикот заедно со Шпанија и Португалија да се кандидираат за домаќинство на Светско првенство 2030.
- Англиски Тајмс пишува дека е помала веројатноста на Шпанија и Португалија да им се приклучи Мароко како што беше претходно најавено, туку дека сакаат да ја испочитуваат Украина така што во оваа земја би се одиграле само три натпревари од една група.
- Португалија и Шпанија би ја презеле организацијата на сите други средби, Шпанците би биле домаќини на 11 стадиони, а Португалците на 3. Контра-кандидатура и тоа доста сериозна имаат Саудиска Арабија-Египет-Грција.
- Полицијата во Канзас Сити каде што е базата на англиската репрезентација, потврдила дека две лица се уапсени откако од специјалното возило ја украле целата опрема на Англичаните. Украдени биле топки и целокупна опрема за тренинг.
- Локалната полиција го истражува целиот случај кој се случил додека репрезентацијата се спремала за транзит од Флорида во Мисури, пишува Индепендент.
- „Две лица се притворени додека трае понатамошната истрага“, вели полицијата во Канзас Сити.
- Возилата кои ја пренесуваат опремата биле скршени, во нив се провалило и била украдена целокупна опрема.
- Англија во среда ќе го отвори својот настап на Светското против Хрватска во Далас. Во Мисури престојуваат неколку репрезентации меѓу кои Аргентина, Холандија и Алжир.
- Најголемиот македонски фудбалер според многумина, Горан Пандев ќе биде дел од големиот хуманитарен спектакл кој ќе се одржи на стадионот „Сантијаго Бернабеу“ во Мадрид. Ќе играат едни против други ветераните на Интер против ветераните на Реал Мадрид на традиционалниот натпревар „Корасон Класик“.
- За Интер кој во 2010-та година токму со Пандев во составот ја освои Лигата на шампиони на овој стадион, ќе играат уште и Хавиер Занети, Естебан Камбијасо, Маикон, Лусио, Џампаоло Пацини, Родриго Паласио, Давид Суазо, Антонио Кандрева и многу други асови на „нераѕурите“.
- Од клупата тренер на Интер ќе биде Џузепе Бергоми а со него ќе биде и Франческо Толдо.
