- Раководните луѓе во Европската фудбалска федерација (УЕФА) официјално донесоа две важни измени во правилникот кои уште веднаш ќе стапат во сила и ќе се применуваат на натпреварите во ЛШ, ЛЕ и КЛ. Првата новина е во дисциплинскиот систем каде наместо досегашните три, фудбалерите ќе бидат суспендирани по добиени четири жолти картони.
- Втората измена значи укинување на практиката официјалните семафори на стадионите да запираат во 45-та и 90-та минута. Во иднина семафорите ќе покажуваат и време на судиско надополнување.
- Финишот на преодниот рок во најсилните европски лиги донесе бура од трансфери па не се знаеше од каде летаат вести за нови трансфери.
- Еден од позвучните трансфери е Габриел Жезус во Барселона. Бразилецот кој играше за Арсенал и Манчестер Сити доаѓа на „Камп Ноу“ во трансфер вреден од 8,6 милиони евра до 10 милиони евра во зависност од идните настапи.
- Барса цело лето трагаше по нов шпиц како замена за Роберт Левандовски кој замина во МЛС лигата во САД и на крај после цела сага со Хулиан Алварез, се помири со трансфер на 29-годишниот Габриел Габи Жезус од Арсенал.
- „Сè се случи некако многу брзо. Секако сите веќе ме познаваат. Имав малку потежок период во последните две години но освен тоа сите ги знаат моите квалитети и колку можам да придонесам за екипата. Порадо тоа се беше многу полесно. Навистина се радувам што сум овде. Пресреќен сум што стигнав во вака голем клуб како Барселона. Сакам да им заблагодарам на Деко, на тренерот и на претседателот на укажаната доверба“, рекол Габи Жезус на претставувањето.
- Барселона летово ги доведе засилувањата: Антони Гордон, Карим Адејеми, Родри, Жоао Кансело и голманот Доминик Ливаковиќ.
- Македонскиот ракометен шампион Вардар и финалистот на Купот на Македонија, ГРК Охрид, вечерва во Гевгелија ќе ја отворат новата сезона 2026/27 со дуел во Суперкупот на Македонија.
- Ова ќе биде трета пресметка меѓу двете екипи во текот на подготвителниот период. Претходно тие се сретнаа во финалињата на турнирите во Струга и Охрид. На Струшкиот турнир триумфираше Охрид, додека на домашен терен „гладијаторите“ повторно беа подобри.
- Во досегашните осум изданија на Суперкупот, најуспешен е Вардар со четири освоени трофеи. Еурофарм Пелистер има три титули, додека Алкалоид еднаш го подигна пехарот.
- Натпреварот меѓу Вардар и Охрид ќе се одигра вечерва во спортската сала „26 Април“ во Гевгелија со почеток од 19:00 часот.
