Offside › Набрзинка

Тренерот на Тиквеш од Словенија: Имав 15 години кога бев во Крањ на стадион, Панчев за мене беше божество

29 септември 2026

Тренерот на Тиквеш, Оливер Богатинов е Македонец од Словенија. Роден е во Јасенице близу Крањ 1978 година, а сега со кавадарчани како тренер прави чуда во ПМФЛ во изминатата сезона.
„Како прво јас сум и Словенец и Македонец, имам два пасоши. Роден сум во Словенија, но со длабоки македонски корени“ вели Богатинов на почеток во интервјуто за СпортСпорт, кој инаку бил на првиот меч на Македонија на 13 октомври 1993 година, кога ја доби Словенија со 1:4.
„Во текот на целиот меч гледав само во еден играч на теренот, во Дарко Панчев. И јас бев напаѓач па се обидував нешто да „украдам“ од Дарко, кој за мене тогаш најдобар напаѓач во светот, за мене тој беше божество. Бев пресреќен што во живо го гледав мојот идол“.
„Очекувам подобро издание на Македонија вечерва. Македонија има потенцијал во средниот ред, пред сè тука се Елмас, Барди, малиот Матеј Гаштаров. Сепак ќе треба време коцките да се наместат. На Седлоски како и на неговиот вечерашен ривал, а некогашен соиграч од Динамо Загреб, Боштјан Цесар, ќе му треба време. И двајцата беа стопери па затоа вниманието им е во дефанзивата. Словенија има одличен голман во Облак, има добра одбрана, ама има проблеми во нападот, посебно кога го нема Шешко“, смета Богатинов.

извор

Преписката меѓу КФМ и Даниел Димевски

12 ноември 2026

„Управниот одбор на Кошаркарската федерација на Македонија оцени дека досегашното постапување на раководството на Македонскиот олимписки комитет, предводено од претседателот Даниел Димевски, отвора сериозни прашања за можен судир на интереси, непотизам, институционални опструкции и постапувања што бараат дополнително испитување од надлежните органи.
Поради сето ова, бараме итна и неотповиклива оставка од Даниел Димевски од функцијата претседател на Македонскиот олимписки комитет“.
Претседателот на МОК, Даниел Димевски, одговори на иницијативата што ја покрена КФМ, за смена на првиот човек на МОК.
„Важно е да се оцрни и омаловажи секој успех само да се затскрие реалната катастрофална состојба до која ја донесе Македонската кошарка, од секој аспект и на сите нивоа. Општа констатација е дека ова е најнеспособното раководство што некогаш го имала КФМ“, одговори Димевски.

Соопштението на КФМ и одговорот на Даниел Димевски

извор

Кипре е веќе во Глазгов

12 ноември 2026

Македонската фудбалска репрезентација е влезена во длабока криза со 12 меча по ред без победа и 8 во низа без постигнат гол.
Ниту тој податок не го спречи Горан Кипријановски, како еден од нашите најверни навивачи, да замине на долго патување до Шкотска за да ги бодри во живо нашите фудбалери. И уште од средата е таму, а средбата е закажана за в петок.
Мечот ќе се игра на Хампден парк и се очекува да биде исполнет до последно место што значи дека би имало околу 51.500 навивачи. Сегашните проценки се дека Македонија ќе има поддршка од околу 100-тина македонски навивачи.

извор