Offside › Набрзинка

Суспендирана тенисерката Симона Халеп

21 октомври 2022

Меѓународната агенција за интегритет во тенисот соопшти дека романската тенисерка, некогашен светски рекет број 1 и една од најдобрите тенисерки на светот во моментов, Симона Халеп е суспендирана поради позитивен тест од Отвореното првенство на САД (УС Опен) летово.
Во нејзината крв бил пронајден лекот роксадустат кој е на листата забранети супстанци од страна на светската анти-допинг агенција.
„Низ целата моја кариера ни на памет не ми паднало да лажам зошто тоа е против моите вредности со кои сум воспитувана. Ќе се борам до крај да докажам дека никогаш свесно не сум земала недозволени супстанци. Ова е за љубовната приказна со играта и љубовната приказна кој трае веќе 25 години“, напиша Халеп.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.

30 октомври 2026

Фудбалската федерација на Македонија (ФФМ) соопшти дека продажбата на влезниците за натпреварот Македонија – Словенија ќе почне во понеделник, на 2 ноември.
Натпреварот се игра во рамки на петтото коло од групата Б во Лигата на нации, а цената ќе изнесува 500 денари.
„Влезниците ќе можат да се набават исклучиво преку официјалната платформа за електронска продажба на билети на ФФМ: eticket.ffm.mk“, информира ФФМ.
Македонија по четири одиграни меча има 0 бодови, додека Словенија е втора во групата со седум поени и големи шанси да оди понатаму во осминафинале од Лига на Нации.
Натпреварот се игра на 16 ноември од 20.45 часот на Националната арена „Тодор Проески“ во Скопје.