- Во најгорниот дел од табелата на италијанска Серија А е потполен хаос. Дури 6 екипи конкурираат за местата кои водат во Лига на шампиони и на неколку кола пред крај не се знае кој сигурно ќе обезбеди пласман.
- Рома одигра само 1-1 на гости кај Монца во натпревар кој го одбележија нови расправии на Мурињо со судиите. Овојпат Жозе после средбата на прес зборувал дека главниот судија Даниеле Кифи го оштетил неговиот тим и дека е чудно кој дава втор жолт картон во 90+6’ минута на самиот крај.
- Португалскиот тренер по една голема расправија со главен судија пред неколку меча кога рече дека многу бил навредуван, сега изјави дека ги барал аудио снимките од нивните разговори но не ги добил. „Од сега затоа си носам микрофонче и сè снимам“
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
