Offside › Набрзинка

Швајцарците пред Светско првенство го забрануваат албанскиот двоглав орел

23 септември 2022

Пред четири години на мечот од Светско првенство 2018 во Русија, во градот Калининград играа Србија и Швајцарија. Србите поведоа 1-0 но Швајцарците направија пресврт и победија 1:2. Нивните репрезентативци Ѓердан Шаќири и Гранит Џака кои водат потекло од Косово направија испад и при прослава на головите директно ги провоцираа српските фудбалери и навивачи со истакнување албански двоглав орел.
„Светско првенство не е само натпревар со Србија, дури и ако знаеме колку овој меч е посебен со оглед на тоа што се случи во 2018-та. Да ги почитуваме другите, за мене е грешка ако со гест се провоцира некој. Не сакаме никакви политички ни верски пораки. Не смееме да бидеме провокативни“, вели директорот на репрезентацијата на Швајцарија Пјерлуиџи Тами.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.