- Познатиот македонски кардиолог и член на Македонската академија на науки и уметности, Сашко Кедев бил дел од 24-члена експедиција која на 22 јули меѓу 8 и 9 часот по локално време во Пакистан го искачила вториот највисок врв на светот К2.
- Предводени од врвните шерпаси и лидерот Мингма Џи (негово четврто искачување на К2), сите алпинисти успеале во намерата да се искачат на 8.611 метри високиот К2, втор највисок на светот по Монт Еверест (8.848).
- К2 претходно го искачи и нашиот врвен Хималаист Здравко Дејановиќ од Скопје.
- Сашко Кедев стана првиот и единствен Македонец, кој има искачено четири врва од 14-те тн. „осумилјадарки“ (над 8.000 метри). Во април годинава го освои Даулагири, седмиот највисок на светот (8.167), а лани Манаслу, висок 8.163 (осми во светот). Во 2009-та се качи на врвот на Монт Еверест.
- Тренерот на Тиквеш, Оливер Богатинов е Македонец од Словенија. Роден е во Јасенице близу Крањ 1978 година, а сега со кавадарчани како тренер прави чуда во ПМФЛ во изминатата сезона.
- „Како прво јас сум и Словенец и Македонец, имам два пасоши. Роден сум во Словенија, но со длабоки македонски корени“ вели Богатинов на почеток во интервјуто за СпортСпорт, кој инаку бил на првиот меч на Македонија на 13 октомври 1993 година, кога ја доби Словенија со 1:4.
- „Во текот на целиот меч гледав само во еден играч на теренот, во Дарко Панчев. И јас бев напаѓач па се обидував нешто да „украдам“ од Дарко, кој за мене тогаш најдобар напаѓач во светот, за мене тој беше божество. Бев пресреќен што во живо го гледав мојот идол“.
- „Очекувам подобро издание на Македонија вечерва. Македонија има потенцијал во средниот ред, пред сè тука се Елмас, Барди, малиот Матеј Гаштаров. Сепак ќе треба време коцките да се наместат. На Седлоски како и на неговиот вечерашен ривал, а некогашен соиграч од Динамо Загреб, Боштјан Цесар, ќе му треба време. И двајцата беа стопери па затоа вниманието им е во дефанзивата. Словенија има одличен голман во Облак, има добра одбрана, ама има проблеми во нападот, посебно кога го нема Шешко“, смета Богатинов.
- Најдобриот кошаркар на денешницата, Никола Јокиќ, следното лето би можел да стане сопственик на највредниот договор во историјата на НБА лигата. Доколку остане во Денвер Нагетс, српскиот центар според актуелните проекции би можел да потпише петгодишен договор вреден околу 360 милиони долари.
- Иако ова лето имаше можност да потпише продолжување на соработката вредно 278 милиони долари за четири сезони, Јокиќ одлучи да почека уште една година. Со таков потег, тој си отвора можност за значително побогат договор во 2027 година. Самиот Јокиќ неодамна потврди дека неговата желба е да остане во Денвер и кариерата да ја заврши во клубот со кој ги постигна најголемите успеси.
- „Планот е следното лето да потпишам нов договор и да останам во Денвер до крајот на кариерата“, изјави српскиот ас.
- Сепак, НБА аналитичарот Кевин О'Конор смета дека Нагетс не треба целосно да бидат сигурни во неговото останување, иако засега сите сигнали укажуваат на продолжување на соработката.
- Јокиќ веќе испиша историја во најсилната кошаркарска лига во светот. Тој е трикратен МВП на регуларниот дел од сезоната, а во 2023 година го предводеше Денвер до првата шампионска титула во историјата на франшизата. Тогаш беше прогласен и за најкорисен играч на финалната серија, дополнително зацврстувајќи го својот статус како еден од најдоминантните кошаркари на својата генерација.
