Offside › Набрзинка

Садио Мане се оженил со девојка од соседното село

9 јануари 2024

Големата ѕвезда на африканскиот фудбал, поранешен член на Ливерпул со кого освои Лига на шампиони и Баерн Минхен, Садио Мане во неделата направил свадбена цереномија и се оженил со својата девојка Аиша Тамба која има 18 години.
Мане престојува во својот Сенегал каде се подготвува за големиот Куп на африкански нации кој почнува на 13-ти јануари во Брег на Слонова Коска.
Садио ја запознал Аиша Тамба кога таа имала 16 години но врската ја криеле сè додека таа не станала полнолетна и изминатиов викенд се земале. Таа потекнувала од село близу неговиот роден крај Бамбали каде Мане пред неколку дена отворил нов голем фудбалски терен.
Мане важи за голем исламски верник, а во неколку наврати раскажал како многу девојки го прашувале зошто не е женет, а неколку пати изјавувал дека ќе се ожени со девојка која нема профили на социјални медиуми и не е јавно позната.

извор

Нова маркација на планинарските патеки на Шар Планина кои беа оштетени годинава

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

извор

Изненадување од Аеродром: МЗТ Скопје го отпушти Васко Атанасов

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.

извор