- Светскиот рекет број 1, Новак Ѓоковиќ дури четврта година по ред нема да настапи на Индијан Велс, мастерс 1000 турнирот во САД.
- Српскиот тенисер е одбиен само една недела откако изјави дека аплицирал за престој во САД каде е забранет влез за лица невакцинирани за Ковид-19. Оваа одлука во САД е на сила до 11-ти мај, а Ѓоковиќ најверојатно ќе го пропушти и Мастерсот во Мајами кој почнува на 19-ти март.
- „Не е во мои раце. Чекам за одговор. Сè што знам е дека процесот е во тек, но мило ми е што имам поддршка од директорите на турнирот. Се надевам само дека и третата страна, онаа која одлучува, ќе го мисли истото“, изјавил Ѓоковиќ.
- Турнирот во Индијан Велс ќе се игра од 6-ти до 19-ти март, а наместо Ѓоковиќ влегува Николоз Басилашвили кој е 113-ти на ранг листата.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
