РК Вардар добива нов тренер, се знае наследникот на Вујо
23 декември 2021
- Откако споразумно го раскина договорот со Веселин Вујовиќ, управата на црвено-црните реши од следната сезона да влезе со нов тренер на тимот. До тогаш, во втората полусезона екипата и натаму ќе ја води доскорешниот ракометар на Вардар и помошник на Вујовиќ, Владо Недановски.
- Словенецот Урош Зорман од стартот на новата сезона 2022/2023 ќе го води некогашниот европски шампион. Се очекува в.д. тренерот Недановски да ја изнесе сезоната до крај.
- Зорман долги години беше репрезентативец на Словенија и важен играч во РК Целје. Во 2017-та ја заврши богатата кариера и се реши да влезе во тренерски води.
- Мина една сезона како помошник на Душебаев во Кјелце, па се реши да тргне самостојно по тренерскиот пат и го презеде словенечкиот прволигаш Тимо Требње. Зорман веќе се договорил со луѓето од Вардар.
- Веројатно Словенецот ќе дојде со свои помошници и ќе направи селекција на ракометари и листа на нови засилувања.