- ФФМ информира дека некој од Инстаграм профил по име Благоја Милевски, веќе активно комуницира со фудбалерите.
- Се работи за лажен профил од кој некој очигледно ја злоупотребува неговата функција.
- Селекторот на македонската фудбалска репрезентација нема профили на Инстаграм и на останатите социјални мрежи.
- Еден од најтрофејните тренери во историјата, Карло Анчелоти го обнови договорот со Бразил до 2030 година. 66-годишниот Италијанец кој седна на клупата на Бразил во мај 2025-та откако го напушти Реал Мадрид, ја спрема репрезентацијата за Светско првенство.
- „Стигнав во Бразил пред една година. Од првата минута сфатив колку фудбалот и значи на оваа земја. За една година сработевме да го донесеме Бразил назад во светскиот врв но фудбалската федерација и јас сакаме повеќе - повеќе победи, повеќе време, повеќе работа. Сакам да и се заблагодарам на федерацијата за нивната доверба. Благодарам Бразил за топлото добредојде и за приемот“, рекол Анчелоти.
- „Лилјаците“ остварија историски успех и се пласираа на Фајнал форот на Евролига откако го исфрлија грчки Панатинаикос со три победи по ред. Проектот Валенсија започна пред две години кога во клубот е вратен човек со визија, а главни засилувања беа играчи од просечни шпански екипи.
- Дека визијата, системот и довербата се поважни од избезумено трошење пари кое делува како дупка без дно, покажа Валенсија. Екипа која многумина пред почетокот на сезоната не ја гледаа ниту во првите 10 во Евролига, ги замолкна неверниците и преку повеќекратно поскапиот Панатинаикос стигна до Фајнал Фор.
- Педро Мартинез заслужено го понесе признанието најдобар тренер во Евролига сезонава, а неговите алхемичарски способности ќе останат запишани во книгите на кошаркарската историја.
- Со Жан Монтеро кој дојде од малку познатата Андора и Бадио кој пристигна од Манреса, скромни шпански тимови со помал буџет, Валенсија направи чудо.
