- Само неколку часа по поразот на неговата Сампдорија (1:3) од Лацио, првиот човек на клубот од Џенова кој дуелот го следеше од ВИП ложата, утрово бил уапсен од италијанската полиција, на налог на тамошно обвинителство.
- Ексцентричниот Масимо Фереро се товари за финансиски малверзации и стечај. Клубот Сампдорија не е инволвиран во истрагата и нема никаква врска со обвинението од судските органи.
- Утрово Фереро бил префрлен во еден од истражните затвори во Џенова и го чека сослушување кај редовен судија.
- Фереро ја купи Сампдорија во 2014-та година од семејството Гароне кое претходно владееше со клубот. Пред само два дена во интервју за најпознатиот италијански лист La Repubblica, Фереро изјавил дека „е уморен и дека бара инвеститори кои би можеле да го купат клубот“.
- „По осум години пожртвуваност, страст, напорна работа, но и напади на лична основа и обвинувања, почнав да се уморувам. Ќе продолжам да работам за најдоброто за Сампдорија, но ако некои купувачи би сакале да го купа тклубот, ве молам донесете ги кај мене, спремен сум да ги слушнам, само ако дадат права цена за вредноста на клубот“, рекол Фереро кој важи за голем ексцентрик и мошне незгоден соговорник за новинарите.
- Американската јавност е изненадена со одлуката на Итан Томпсон да ја напушти Индијана Пејсерс каде минатата сезона одигра 32 натпревари и во просек имаше по 7 поени. Минатата сезона му беше прва во НБА на Итан Томпсон а претходно настапуваше за развојните клубови на Чикаго Булс, Орландо Меџик и Мајами Хит во Г-развојната лига.
- Партизан договорил соработка со 27-годишниот бек а во црно-белиот дрес ќе им се придружи на Карлик Џонс и некогашниот кошаркар на Кливленд Кавалирс Ламар Стивенс.
- „Парите во Србија можеби се добри, но дали е Србија Индијана? Немојте да одговарате на тоа прашање. Иако е уште под договор со Индијана Пејсерс, Итан Томпсон намерува да потпише договор со српскиот клуб. Томпсон во моментов има „двонасочен“ договор со Индијана но по сè изгледа ќе бара раскин со цел кариерата да ја продолжи во Европа“, вели новинарот Тило Вајдер.
- Со натпреварот Вулверхемптон - Блекбурн (21:00) вечерва почнува новата сезона во најсилната и најбогатата втора лига на светот - англиски Чемпионшип.
- Од Премиер лига во Чемпионшип испаднаа Вест Хем, Барнли и Вулверхемптон кои ќе пробаат експресно да се вратат. Од Лига 1 (трета лига) во втора влегоа Линколн Сити, Кардиф и Болтон а во трета лига од Чемпионшип испаднаа Оксфорд, Лестер и Шефилд Венздеј. Во Премиер лига се пласираа Ковентри и Ипсвич како прв и втор и Хал кој стигна до огромен успех преку баражот.
- Стадионот на Вест Хем може да прими најмногу гледачи во најбогатата втора лига на свет, точно 62.500. „Риверсајд“ на Мидлзброу собира 34.712 гледачи а најмало стадионче има Рексам со 10.771 седечки места.
- Ова ќе биде 35-та сезона како што ќе се игра во формат од 24 екипи во 46 кола. Новост е повеќе клубови во баражот.
- Суштински, ќе се игра како и досега: првиот и вториот на крајот ќе одат директно во Премиер лига. Во баражот досега играа третиот, четвртиот, петиот и шестиот тим на табела кои се бореа преку полуфинале и финале а сега на таа група ќе им се придружат и екипите на седмо и осмо место.
- Третиот и четвртиот на крајот ќе играат во полуфинале на бараж, петтиот ќе игра против осмиот, а шестиот со седмиот и победниците од тие два меча ќе играат против победникот од третиот и четвртиот тим на табела во полуфинале.
