Offside › Набрзинка

Поранешен тренер на ПСЖ за Меси: Фала ти мајсторе, ние не те заслужуваме

9 мај 2023

Стратегот на Нант, Антоан Комбуар кој го водеше ПСЖ во периодот 2009-2011 отворено и јасно кажува што мисли за односот на парижаните кон седумкратниот освојувач на Златната топка.
„Меси едноставно не се пипа. Да го имав, ќе му речев да стои напред, дека не треба да трча и нема потреба да се враќа во одбрана. Само да добива топки за да му ја гледам магијата. Потполно задоцнивме со овој човек, срам ми е кога гледам што се случува. Драго ми е што ќе си оди. Фала ти мајсторе, ние не те заслужуваме“, вели 59 годишниот Французин.
„Раководството и навивачите на ПСЖ мора да го почитуваат Меси. Неговите чорапи имаат поголема историја од цел ПСЖ. Треба да бидете благодарни до крајот на животот што го носеше вашиот дрес“, смета шпанскиот новинар Кристибал Сориа.

Меси сè поблизу до нов клуб

извор

Селекцијата на Бенин патувала 23 часа до Аргентина, а во хотелот немало топла вода

5 октомври 2026

Додека Аргентина се подготвува за последниот настап на Лионел Меси, во вторник на стадионот Монументал во Буенос Аирес, нивните противници се соочуваат со низа проблеми во пресрет на натпреварот.
Мегаспорт пишува дека условите за нивното гостување се далеку од идеални. Играчите немале топла вода во хотелот, сауната била во дефект, недостасувала опрема, а фитнес салата била несоодветна за професионален тим. Покрај тоа, репрезентацијата на Бенин патувала 23 часа во економска класа, а видео-аналитичарот Жонас Биде доживеал колапс.
Претходно и Буркина Фасо имала слични проблеми и поради низа пропусти на Аргентинската фудбалска федерација околу организацијата на патот, многу репрезентативци одбиле да патуваат и поради тоа настапиле со изменет состав составен од играчи до 23 години кој загуби 7:0.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор