Offside › Набрзинка

Почина поранешен член на златната генерација на Работнички

21 декември 2021

Бранко Кацарски, поранешниот член на најтрофејниот македонски кошаркарски колектив, почина денеска на 65-годишна возраст, соопшти КФМ на својата веб страница.
Бранко Кацарски беше роден во Берово во 1956. година. Играше на позицијата центар. Подоцна тој беше дел од Македонската кошаркарска федерација и тоа во време кога репрезентацијата за првпат обезбеди пласман на еден голем турнир каков што беше Европското првенство во Франција во 1999-та година, како директор на репрезентацијата.
„Македонската кошарка денеска остана без уште едно свое големо име. Нè напушти Бранко Кацарски, член на една од најдобрите генерации на кошаркари од КК Работнички од Скопје. „Кацар ќе остане запаметен како дел од славниот тим на „популарните железничари од Градски парк“, стои во објавата на сајтот на КФМ.
Кацарски беше дел на златната генерација од која беа дел уште други големи имиња како Благоја Георгиевски-Буштур, Драган Радосављевиќ, Драган Васиљевиќ, Бобан Самарџиски, Борче Серафимовски, Драган Стојковиќ, Мирко Радуловиќ, Трајко Кираџиевски. Тој поголемиот дел од својата кариера го помина на теренот во салата „Градски парк“.
Синовите на Кацарски, Бојан и Горан исто така се кошаркари.

извор

Документарецот за Дарко Панчев „Патот на Кобрата до ѕвездите“ доби нова награда

14 август 2026

Филмовите „Патот на Кобрата до ѕвездите“, во режија на Радован Максимовиќ – Макса од Белград, Србија, направен за легендарниот фудбалер Дарко Панчев, и “Булеварот на Ивица Осим“ (режисер Мухамед Бикиќ од Сараево, Босна и Херцеговина) ја добија “Гранд При“ наградата “Драган Пантелиќ – Панта“ за најдобар спортски филм на престижниот шести Меѓународен фестивал за документарни филмови, “Сити Фест 2026“.
Овој мошне квалитетен филмски фестивал се одржа под Покровителство на Општина Нишка Бања, од 7 до 9 август во Нишка Бања, крај Ниш, во Србија.
Филмот „Патот на Кобрата до ѕвездите“ е во копродукција на три врвни, повеќедецениски специјализирани спортски, медиуми од регионов – продукциската куќа “Спортнетворк НС“ од Србија која го реализираше филмот, потоа регионалната телевизија “ТВ Спорт Клуб“ од Србија и единственото (од трите специјализирани спортски радија кои беа на просторите на поранешна СФРЈ ) “Спортско радио 90,3 ФМ“ од Скопје Македонија – под генерално покровителство на “Универзитет Скопје“ на чело со Ректорот проф. д-р Г-дин Аце Миленковски.
Голема помош за документарецот даде и стручниот консултант, колегата спортскиот новинар, Живко Здравкоски, кој четврта деценија е спортски дописник од Македонија вклучително и за два од трите најстари активни печатени спортски весници во светот.
Во име на продукциската куќа “Спортнетворк НС“ од Србија, наградава “на Сити Фест 2026“, на подиумот, ја прими Г-дин Александар Станковиќ, сценарист и автор на филмов за Дарко Панчев.
„Ви пренесувам поздрав од Дарко Панчев, кој е емотивно поврзан за Ниш бидејќи овде не само што сјајно играше во дресовите на Вардар и Црвена Звезда против Раднички, туку и ги мина војничките денови, така што Ниш го смета за свој втор дом“, рече, помеѓу другото, Александар Станковиќ.

извор

Расел Вестбрук си оди од НБА после 18 сезони и рекорд во трипл-дабл учиноци

14 август 2026

Лидерот и рекордер по број на трипл-даблови во НБА лигата, ветеранот Расел Вестбрук (37) објави дека заминува од лигата после 18 сезони. Двократниот најдобар стрелец во лигата објави на друштвените мрежи видео во кое наратор е глумецот Мајкл Б. Џордан.
Вестбрук беше избран како 4. пик на НБА драфтот во 2008-ма година од Сиетл Суперсоникс а дојде од УКЛА Универзитетот. Набрзо се пресели во Оклахома Сити. Ги одигра првите 11 сезони за Тандер и сочинуваше врвен тандем со Кевин Дурент со кого заедно се бореа за шампионската титула.
Минатата сезона ја помина во Сакраменто Кингс а играше уште и за Вашингтон Визардс, ЛА Лејкерс, ЛА Клиперс и Денвер Нагетс. Во просек постигнуваше по 20,9 поени по натпревар, со 8 асистенции и 6,9 скока и 1,6 одземени топки. Имаше просек од 43,8% прецизност од поле, 30,8% за 3 поени и 77,1% од линијата за слободни фрлања.
Се повлекува од НБА лигата и нејасно е дали ќе оди на друго место. Во меѓувреме имаше понуди од Евролига и од арапските земји. Се повлекува со 209 трипл-дабл учиноци пред Србинот Никола Јокиќ кој има 198.

извор