- Челси споразумно го раскинал договорот со аргентинскиот тренер Маурисио Почетино. На средба со спортските директори на клубот Пол Винстенли и Лоренс Стјуарт било договорено договорот со Почетино да биде предвреме раскинат.
- Немало никакви расправии и дискусии, едноставно договорот бил раскинат со добра волја на двете страни, пишува британски Телеграф. Почетино заминува од Челси после една година во која екипата бележеше воглавно очајни резултати со слаби изданија на теренот и покрај вложените над 1 милијарди фунти за нови засилувања.
- На листата потенцијални нови тренери на Челси се Себастијан Хенес од Штутгарт, Киран Мекена од Ипсвич и Енцо Мареска од Лестер.
- Новото раководство на КФМ покрена иницијатива за промена на името на оваа организација.
- Куќата на кошарката сака да ја елиминира додавката „Северна“ и да не се вика повеќе Кошаркарска федерација на Северна Македонија.
- Како нови можни имиња е враќање на стариот назив Македонската кошаркарска федерација (МКФ), кое беше во употреба пред спорната одлука донесена пред шест години, што предизвика многу реакции.
- Иван Чупиќ е нов тренер на РК Вардар, кој доаѓа на местото на Гиљермо Милано, кој го загуби столчето после губењето на титулата на болен начин од Еурофарм Пелистер.
- „Сите го памтите Чупиќ како легенда на Вардар и кога на ПСЖ во последна секунда му даде гол. Што ме натера да го ангажираме е тоа што уште како играч искажуваше тренерски амбиции. По разделбата со Милано, добив желба да го ангажираме и тоа после еден разговор“, рече Михајловски кој се осврна и на Столе Стоилов.
- „Столе е легенда на Вардар, многу го ценам, мислам во овој моментот не спремен да го води тимот. Вратата за него секогаш е отворена. Тој е на годишен одмор. Дали ќе биде помошник или со некоја друга функција, ќе се договориме со него“.
