Offside › Набрзинка

Пандев: Штом Ето можеше да игра бек, си реков можам и јас

21 ноември 2021

Со почеток од 20:45, Џенова вечерва е домаќин на Рома, меч на кој на клупата на домаќините ќе дебитира Андриј Шевченко, а Горан Пандев ќе го пречека тренерот со кој испиша историја во Серија А.
„Жозе е човекот кој ми ги смени видиците и перспективите. Откако се разделив со Лацио, ме побара веднаш и посака да дојдам во Интер, клубот кој ме донесе во Италија. Ми личеше на сон, а потоа сѐ мина феноменално. Јас имам прекрасни спомени од 'триплетата', а Мурињо е човекот кој секој фудбалер посебно го мотивира, дури и тие што се резерви. И секогаш ги брани“.
„Два збора ми текнуваат кога ќе се спомене Рома: Лацио и Мурињо! Навивачите секако ќе ме свиркаат, ама сега тоа се случува и со навивачите на Лацио, и тие ме свиркаат. Јас успеав барем во нешто да ги спојам двата лути и ривалски навивачки групи од Рим“, вели Пандев.

26 февруари 2026

Најдобриот стрелец во историјата на Реал Мадрид и во историјата на репрезентативниот фудбал, Кристијано Роналдо купил 25% од акциите на шпанскиот второлигаш Алмерија.
Португалецот кој игра за Ал Наср купил пакет акции преку неговата фирма CR7 Sports Investments. Роналдо на крајот од 2025-та стана првиот фудбалер-милијардер. Неговото богатство се проценува на 1,4 милијарда долари.
Шпанскиот клуб АЛмерија е на трето место во втората лига Сегунда дивизион со одлични шанси до крајот на сезоната да обезебди пласман во елитната Ла Лига.
Огромно задоволство од влегувањето на Роналдо во Алмерија изразил и првиот човек на клубот, Мохамед Ал Кереиџи, сопственик на садуиската СМЦ Група.

26 февруари 2026

Во ек на тензија во шпанскиот фудбал со Винисиус и расизамот на кој се жали на повеќе стадиони, навивач на Реал со сиот пат се реши нацистички да салутира. Како што стојат работите од фотеља ќе гледа фудбал.
„Реал Мадрид соопштува дека итно е побарано од Дисциплинската комисија на клубот да покрене итна постапка за исклучување на членот кој беше снимен од камерите како упатува нацистички поздрав каде што се наоѓа навивачката трибина, неколку моменти пред почетокот на натпреварот помеѓу Реал Мадрид и Бенфика.
Овој член беше пронајден од страна на обезбедувањето на клубот неколку моменти откако се појави во преносот и веднаш беше избркан од стадионот Сантијаго Бернабеу“, стои во соопштението на кралскиот клуб.