- После пет порази на последните шест натпревари, Шон Дајч (50) доби отказ од премиерлигашот Барнли кој го водеше уште од октомври 2012-та со што стана менаџер со најдолг стаж од сите колеги во Премиер лигата.
- Дајч е најуспешен тренер во историјата на Барнли. Од скромен нисколигаш го направи премиерлигаш и му донесе излез во еврокупови.
- Сега на прво место на табелата менаџери со најдолго време на една иста клупа е Германецот Јирген Клоп кој го води Ливерпул 6 години и 189 дена.
- На осум кола пред крајот на сезоната во Премиер лига, управата на Барнли сака клубот да се избори за опстанок во елитата. Во моментов се на 18-то место, последно кое води во втора лига, со четири бода зад Евертон кој е на безбедна позиција во моментов.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
