Offside › Набрзинка

Опа бато, и Сампдорија би можеле да ја купат Катарци

20 септември 2022

Некогашниот европски вицешампион и освојувач на Куп на Купови, Сампдорија, повеќе од триесетина години важи за осреден, просечен италијански клуб кој од година во година се бори за опстанок во Серија А, со по некој повремен излет во еврокупови (последен пат во 2016-та изгубија 0-4 од Војводина).
Прекрасниот дрес на овој клуб го носеа великани како Роберто Манчини, Џанлука Вијали, Синиша Михајловиќ, Кларенс Сидорф, Кристијан Карембе, Хуан Себастијан Верон, Ариел Ортега, Бепе Сињори, Франк Рајкард и многу други, но никогаш не ја врати старата слава.
Сега италијанските медиуми пишуваат дека е на повидок продажба на Дорија на Халид Фалех ал Тани, член на Катарското кралско семејство.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.