- По Бојан Миовски кој прифати шкотски предизвик во Абердин, уште еден македонски репрезентативец од генерацијата 1999-та, направи трансфер во клуб со поголеми амбиции.
- Стоперот на Македонија, Никола Серафимов остана во унгарскиот шампионат, но од Залаегерсег кој заврши осми, замина во четвртопласираниот МОЛ Фехервар, каде играа Бобан Николов и Висар Муслиу.
- МОЛ Фехервар на 21 јули ќе игра против Габала во второто квалификациско коло во Лигата на Конференции, дуел за кој Серафимов се очекува да биде регистриран за настап.
- Светислав Пешиќ одлучи да си замине од селектороската позиција, после елиминацијата на Србија во осминафиналето на Евробаскетот од Финска. Тоа го соопшти во интервју за „Политика“.
- „Дојде време да се најде нов тренер кој ќе може да го продолжи она што го започнавме. Му ветив на Човиќ дека ќе ја исполнам улогата што ми ја додели во изборот на новиот тренер до крај“, рече Пешиќ.
- Договорот му истекува на 30 септември, а по тој датум Орлите треба да го дознаат името на новиот селектор, кој ќе ја има својата прва задача во квалификациите за СП против Швајцарија и Босна и Херцеговина на крајот на ноември.
- Пешиќ стана селектор на Србија во 2021 година, освои бронза на Олимписките игри и сребро на Светското првенство. Со Југославија стана светски (2001) и европски првак (2002), а во 1993-та освои Европско со Германија.
- Легендарниот хрватски голман Мирко Алиловиќ (39) испиша нов рекорд во ракометната Лига на шампиони откако стана прв ракометар со најголем број одиграни сезони. Рекордот го поставил со настап во 1. коло од новата сезона во ЛШ против Сегед.
- Веста за овој подвиг ја објави неговиот нов клуб Висла Плок на своите друштвени мрежи.
- Некогашниот хрватски репрезентативен голман кариерата ја започна во Извиѓач, па бранеше за шпански Адемар Леон, па за Цеље, Везпрем, Сегед и сега за полска Висла Плок каде влезе во 23-та рекордна сезона во Лига на шампиони!
- Досега беше израмнет со најдобриот ракометар на сите времиња според многумина Никола Карабатаиќ кој имаше 22 сезони во ЛШ. За Хрватска Алиловиќ брамнеше од 2008 до 2022. Освои светски сребро и бронза, две сребра и две бронзи на европските првенства и бронза на Олимписки Игри 2012 во Лондон.
