- Турчинот Јагиз Џан Ердогмуш кој има само 13 години, и официјално добил статус шаховски велемајстор и во моментов е најмладото лице на светот кое може да се пофали со најголема титула во овој спорт.
- Ердогмуш кој доаѓа од Бурса, пред пет месеци за време на турнир во Германија ја остварил и последната норма за добивање назив велемајстор. Тогаш имал само 12 години, девет месеци и 29 дена. Турчинот на овој начин го надмина Ихор Самуњенков од Украина кој досега беше најмлад со само 15 години.
- Младиот шахист од Турција е четврти најмлад велемајстор на сите времиња. Пред него до овој подвиг стигнале рекордерот од Индија Абихмања Мишра (велемајстор на 12 години, четири месеци и 25 дена), Русинот Сергеј Карјакин и уште еден Индиец - Гукеѓ Домараџу кој сега е предизвикувач за светската шампионска титула.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
