- Вардар е освојувач на Купот на Македонија откако во големото финале во Охрид го совлада најголемиот ривал Пелистер 26:25. Јавноста, домашна и регионална беше вџашена од глупавата реакција на еден полицаец кога при мало кошкање меѓу играчите на двата тима, го удри репрезентативецот Филип Талески со пендрек по глава.
- Од Министерството за внатрешни работи соопштија дека е отворена истрага.
- „По службена должност одделот за внатрешна контрола, криминалистички истраги и професионални стандарди при МВР оформи предмет и презема мерки за расчистување на случајот“, стои во соопштението.
- По ненадејната смрт на Александар Јовиќ, од управата на Пролет соопштија дека договорот што го имаше стратегот до крајот на оваа сезона, ќе биде исплатен на неговото семејство.
- Клубот беше приморан да назначи негова замена, па го одбра Никола Матлиевски кој и во минатото го водеше Пролет.
- Смртта на Александар Јовиќ ја шокираше македонската ракометна јавност. Почина на 51 година на денот на одигрување на првиот меч на Македонија на Мундијалот.
- Кире Лазаров пред мечот со Австрија се соочил со проблеми околу составот. Никола Митревски и Ненад Костески имале температура, а Томислав Јагуриновски останал во хотел. Проблеми имал и Мартин Велковски.
- „Пред мечот горев, но не мислев да се откажам, а сличен проблем имаа уште неколкумина во нашиот тим, но и тие стиснаа заби“.
- „Одиме напред, се развиваме, овие момци не се толку млади, не се неискусни. Знаат да играат на резултат, некогаш треба и малку среќа. На следното првенство ќе бидеме уште подобри“, вели 39 годишниот Никола Митревски кој брани одлично на ова СП.
