- Од 4. до 20. ноември годинава Скопје, заедно со Љубљана, Цеље и Подгорица ќе биде домаќин на женскиот ракометен крем - Европско првенство 2022.
- Првиот човек на РФМ, Живко Мукаетов организираше прес-конференција на која повика за заедничка сплотеност на сите во земјава, со цел да се покажеме како прави домаќини и да покажеме зошто ракометот е национален спорт број еден во Македонија.
- „Мора да покажеме дека Скопје, Македонија може да направат нешто што ќе биде светски. По долго време македонската публика ќе може да присуствува на натпревари од европската ракометна елита. Предизвик за нас е сите гости да понесат најубави спомени од нашата земја. Напред Македонија“, рече ЕХФ амбасадорката на Европското, легендарната Гордана Нацева.
- Некогашниот македонски репрезентативец и фудбалер на повеќе клубови, Дени Масев кој до скоро беше спортски директор на репрезентацијата е осуден на четири години затворска казна во случајот за дрога каде прв осомничен е Раде Трајковски - Штекли.
- Масев синоќа со уште тројца од криминалната група на Штекли бил изнесен на суд, ја признал вината и изречена му е пресуда од 4 години затвор.
- Некогашниот одбранбен фудбалер бил член на организираната група во која секој имал прецизна улога, од набавка до продажба на кокаин и марихуана. Дрогата се чувала во изнајмени станови а се продавала од 4.500 до 5.000 денари за грам кокаин и од 200 до 300 денари за грам марихуана.
- Масев до скоро работеше во ФФМ од каде му врачија моментален отказ. Роден е во Струмица во 1983-та. Играше за Беласица, Рад, Вардар, Металург Запорожје, Работнички, Хоризонт Турново, Анагениси Кардица.
- Најдобриот светски фудбалер за 1995-та и легенда на Милан, Жорж Веа во 2000-та на залез на својата кариера потпиша договор со Олимпик Марсеј. Сега 25 години подоцна потпис на договор со славниот француски клуб стави и син му Тимоти Веа кој настапува за САД.
- Интересно францускиот магазин Onze тогаш го ставил Жорж Веа на насловна страна, а сега и син му, во ист дрес, со иста гестикулација.
