Offside › Набрзинка

Милан добива нови сопственици и спрема план за страшен тим

19 април 2022

По долгогодишни турбуленции, Милан конечно застана на нозе, а сега со нов инвеститор од Оман кој ќе го купува пакетот мнозински акции, би требал да добие силна финансиска инјекција. Според Газета дело Спорт, главните оперативци во клубот, Малдини и Масара веќе изготвиле план за потенцијални засилувања за кои би добиле буџет од 300 милиони.
Се споменуваат ефикасниот шпиц на Ајакс, Себастијан Алер, најголемото изненадување сезонава во топ5 лигите Кристофер Нкунку (24) од РБ Лајпциг, Николо Ѕаниоло, Рахим Стерлинг, Иско, Асенсио и веќе потпишаните стоперот Свен Ботман и шпицот Дивок Ориги од Ливерпул.

Gazzetta - Con Investcorp il Milan sfida l'Europa, pronti 300 milioni: da Nkunku a Tchouaméni, i nomi per il mercato rossonero https://t.co/zpiv87sZty
— MilanNews.it (@MilanNewsit) April 17, 2022

извор

Ла Стампа: Рома постигна договор со Клоп

20 мај 2025

Јирген Клоп сензационално се поврзува со нова тренерска работа во италијанската престолнина.
Угледниот италијански весник Ла Стампа тврди дека легендарниот стратег на Ливерпул, во неделата на 18 мај во 22:57 часот му дал согласност на претседателот на Рома, Ден Фридкин.
Се зборува за голема револуција во составот, кој ќе претрпи бројни промени, а советник на Клоп ќе му биде токму Раниери.
Клоп лани се повлече од тренерската улога и стана координатор на клубовите на Ред Бул.

извор

Србија во Лесковац ќе ги пречека Белингем, Кејн и Англија

20 мај 2025

Утрово изненадувачка вест стигнува од Фудбалскиот сојуз на Србија кој до српските медиуми пласирал вест дека репрезентацијата на нашиот северен сосед ќе ја пречека велесилата Англија на новиот стадион во Лесковац.
Интересно стадионот „Дубочица“ има капацитет од само 8.000 гледачи. За разлика од белградските стадиони „Рајко Митиќ“ и стадионот „ЈНА“ кои редовно се полу-празни кога на нив игра српската репрезентација, стадионот во Лесковац секогаш е преполн до последно место.
Натпреварот Србија - Англија во рамки од квалификациите за Светско првенство 2026 е закажан за 7-ми септември. Претходно селекторот Драган Стојковиќ и Србија ги чека исклучително тешко гостување во Тирана против Албанија на почетокот на месец јуни.

извор