- Дански скијач во слободен стил утрово додека скијал надвор од скијачките патеки, околу 10:45 часот бил нападнат од мечка, соопшти Центарот за управување со кризи (ЦУК).
- Данскиот турист бил со група скијачи кои вообичаено скијаат на диви места, односно надвор од обележаните патеки, кај месноста Јелак на Шар Планина.
- „Мечката со гризнување и гребење му нанела повреди на нозете на скијачот. Екипа на итната медицинска помош од Тетово го транспортира повредениот скијач кон тетовска болница каде што дополнително ќе биде утврдена тежината на повредите“, велат од ЦУК.
- Американската јавност е изненадена со одлуката на Итан Томпсон да ја напушти Индијана Пејсерс каде минатата сезона одигра 32 натпревари и во просек имаше по 7 поени. Минатата сезона му беше прва во НБА на Итан Томпсон а претходно настапуваше за развојните клубови на Чикаго Булс, Орландо Меџик и Мајами Хит во Г-развојната лига.
- Партизан договорил соработка со 27-годишниот бек а во црно-белиот дрес ќе им се придружи на Карлик Џонс и некогашниот кошаркар на Кливленд Кавалирс Ламар Стивенс.
- „Парите во Србија можеби се добри, но дали е Србија Индијана? Немојте да одговарате на тоа прашање. Иако е уште под договор со Индијана Пејсерс, Итан Томпсон намерува да потпише договор со српскиот клуб. Томпсон во моментов има „двонасочен“ договор со Индијана но по сè изгледа ќе бара раскин со цел кариерата да ја продолжи во Европа“, вели новинарот Тило Вајдер.
- Со натпреварот Вулверхемптон - Блекбурн (21:00) вечерва почнува новата сезона во најсилната и најбогатата втора лига на светот - англиски Чемпионшип.
- Од Премиер лига во Чемпионшип испаднаа Вест Хем, Барнли и Вулверхемптон кои ќе пробаат експресно да се вратат. Од Лига 1 (трета лига) во втора влегоа Линколн Сити, Кардиф и Болтон а во трета лига од Чемпионшип испаднаа Оксфорд, Лестер и Шефилд Венздеј. Во Премиер лига се пласираа Ковентри и Ипсвич како прв и втор и Хал кој стигна до огромен успех преку баражот.
- Стадионот на Вест Хем може да прими најмногу гледачи во најбогатата втора лига на свет, точно 62.500. „Риверсајд“ на Мидлзброу собира 34.712 гледачи а најмало стадионче има Рексам со 10.771 седечки места.
- Ова ќе биде 35-та сезона како што ќе се игра во формат од 24 екипи во 46 кола. Новост е повеќе клубови во баражот.
- Суштински, ќе се игра како и досега: првиот и вториот на крајот ќе одат директно во Премиер лига. Во баражот досега играа третиот, четвртиот, петиот и шестиот тим на табела кои се бореа преку полуфинале и финале а сега на таа група ќе им се придружат и екипите на седмо и осмо место.
- Третиот и четвртиот на крајот ќе играат во полуфинале на бараж, петтиот ќе игра против осмиот, а шестиот со седмиот и победниците од тие два меча ќе играат против победникот од третиот и четвртиот тим на табела во полуфинале.
