- Дански скијач во слободен стил утрово додека скијал надвор од скијачките патеки, околу 10:45 часот бил нападнат од мечка, соопшти Центарот за управување со кризи (ЦУК).
- Данскиот турист бил со група скијачи кои вообичаено скијаат на диви места, односно надвор од обележаните патеки, кај месноста Јелак на Шар Планина.
- „Мечката со гризнување и гребење му нанела повреди на нозете на скијачот. Екипа на итната медицинска помош од Тетово го транспортира повредениот скијач кон тетовска болница каде што дополнително ќе биде утврдена тежината на повредите“, велат од ЦУК.
- Тренерот во младинската школа на Ангели, Антонио Савески (33), е жртвата во тешката сообраќајна несреќа што ноќеска се случи на патот Охрид-Кичево.
- Савески потекнува од Охрид, каде што ги направи првите кошаркарски чекори, а подоцна започна и со тренерската работа. Има работено и со таленти во школата на Водно Партизан.
- Савески во јавноста беше познат како колекционер на спортска опрема и имаше собрано околу 500 кошаркарски дресови.
- Македонската фудбалска репрезентација ќе добие две нови интересни имиња во пресрет на новиот циклус од Лига на Нации. Новиот бисер на Црвена звезда Матеј Гаштаров кој веќе дебитираше и добива голема доверба кај тренерот Алберт Риера ќе биде ново име во средниот ред на репрезентацијата.
- Второ име е Турчинот со македонско потекло, Казимчан Караташ, лев бек кој е позајмен од Галатасарај во Истанбул Башакшехир. Интересно, Караташ играше за Галатасарај пред само неколку дена, во 1. коло од турската Суперлига. Во ремито 2-2 против новиот суперлигаш Чорум, левиот бек Караташ добил 6 минути откако влегол од клупата за резерви. Тој ќе добие повик од селекторот Седлоски а во моментов се работи на потребната документација за да може да ги добие сите дозволи и да биде ставен на располагање на репрезентацијата.
- Македонија во 1. коло од новото издание во Лига Нации ќе игра против Швајцарија на 26-ти септември во Скопје.
