Offside › Набрзинка

Манасков: Ваков однос и третман кон мене не очекував, секогаш сум играл со срце и душа за репрезентација

26 април 2023

Откако не се најде на списокот за мечевите со Португалија, Дејан Манасков неочекувано ќе го нема ниту на последните два квалификациски дуели за ЕП 2024 против Луксембург и Турција.
„Со Манасков имавме непријатно искуство пред и за време за СП и затоа решив да им дадам шанса на помладите“, изјави кусо селекторот Кире Лазаров.
„Најмногу ме повреди тоа што го кажа пред почетокот на СП дека конечно очекувал од мене да дадам комплетно првенство, како досега да не сум играл добро и мене лично тоа ме навреди и во една ситуација тоа му го напоменав во Маврово. На телефон ме побара за да ми каже дека не сум повикан за репрезентација, не ми кажа зошто. Не сме се скарале. Тоа е одлука на Кире, јас ја почитувам одлуката, на него е да одлучи кој ќе игра“, објаснува Манасков.

14 септември 2026

Завршувањето на УС опен донесе големи промени на АТП-листата, а најголемо внимание предизвикува падот на Новак Ѓоковиќ. Српскиот тенисер од денеска повеќе не е меѓу десетте најдобри тенисери во светот.
Јаник Синер останува прв со 11.500 бодови, но неговата предност пред Александар Ѕверев е значително намалена. Германецот по освојувањето на Отвореното првенство на САД стигна до 8.990 бодови и дополнително се доближи до лидерската позиција.
Карлос Алкараз ја задржа третата позиција со 5.560 бодови.

12 септември 2026

ФК Тетекс утрово информираше дека Даниел Николовски го загубил животот во сообраќајна несреќа која се случила во текот на ноќта.
Тетовскиот клуб ја потврди тажната вест за прераното заминување на 21 годишниот играч, кој беше нераскинлив дел од екипата.
Николовски ги имаше поминато сите младински категории на Тетекс, по што својата кариера и верност кон клупските бои ја продолжи настапувајќи и за сениорскиот тим.