- Македонската одбојкарска репрезентација под водство на селекторот Јошко Миленковски денес имаше собир во познатиот хотел „Монтана“ во Крушево каде ќе ги стартува подготовките за Европското првенство 2026.
- Македонија на ЕуроВолеј кое се игра од 9-ти до 26-ти септември ќе игра во групата Б заедно со Бугарија која е домаќин во Софија, Полска, Украина, Португалија и Израел.
- Капитенот Никола Ѓорѓиев пред почетокот на подготовките, ги пречека соиграчите со крушевски локум:
- „Да тргнат подготовките со убаво, со благо... со крушевски локум“, рече капитенот Ѓорѓиев и им подели на сите присутни.
- Некогашниот најдобар фудбал во Европа и голема ѕвезда на Барселона, Реал и Португалија, Луис Фиго по повод скандалозниот план на првиот човек на ФИФА Џани Инфантино да го приватизира Светското првенство и да продава акции вели:
- „Можам да напишам 10.000 збора за проблемите во ФИФА. Но одлуката стои во три точки: Инфантино да замине. Цел живот го сакав фудбалот. Бев професионален играч 20 години. И верувајте за цела кариера сум сретнал многу неприлики. Но ова што го видев во последните 10 дена е најниско, најлажливо и најлошо користољубиво поведение кое сум го видел. Човекот кој е способен на такво нешто сама сако да се збогати самиот и своите пријатели.
- Ако таа идеја била толку добра зошто не ја кажа пред челните луѓе на својата организација кога сите заедно се собравме во една соба пред финалето на Светско првенство?“
- Кошаркарскиот клуб Работнички одбележа значаен јубилеј – 80 години од одигрувањето на својот прв официјален натпревар. На 2 август 1946 година, на големиот православен празник Свети Илија и државниот празник Илинден, започнало првото кошаркарско првенство на Македонија, организирано во рамките на Вториот фискултурен слет. На турнирот настапиле екипите на Македонија, Работнички и Ванчо Прке од Штип.
- Работнички во својот дебитантски настап го совладал Ванчо Прке со 30-8, по што штипскиот тим се повлекол од натпреварувањето. Натпреварите се играле на импровизиран терен поставен на Градскиот стадион во Скопје. Линиите биле исцртани со вар, кошевите биле изработени од железо без мрежички, а наместо кошаркарска се користела одбојкарска топка. Во тоа време не се досудувале лични и технички грешки, немало тајм-аут, а натпреварите траеле 40 минути, поделени на две полувремиња по 20 минути. За Работнички на историскиот натпревар настапиле Славко Матовски, Драган Луковски, Трајан Ивановски, Борис Анастасов, Атанас Радевски, Војче Димитровски и Илија Ќовкаров.
- Во текот на својата богата историја, Работнички изгради статус на најтрофеен македонски кошаркарски клуб. Во поранешната СФР Југославија одигра 18 сезони во елитното првенство и трипати заврши на петтото место, а стигна и до полуфинале на Купот „Радивој Кораќ“, финале на Купот на Југославија, како и до завршниците на најсилните домашни натпреварувања.
- По осамостојувањето на Македонија, клубот освои рекордни 15 шампионски титули, 10 национални купови и два Суперкупа, а бележеше и значајни настапи на европската сцена, меѓу кои четвртфинале во ФИБА Европскиот куп, пласман меѓу осумте најдобри во ФИБА Европа купот и финале во БИБЛ-лигата.
