- АЈП турнирот во бразилско џиу-џицу во Ниш, Македонија претставувана од вкупно 4 клубови го заврши на трето место со 19 златни, 19 сребрени и 3 бронзени медали.
- Дарко Тасевски од Хаус оф граплинг артс (ХГА) освои злато и на АЈП Ниш во категорија до 94 килограми без ги со што останува број 1 борец во светот во оваа категорија на АЈП турнирите. Од октомври 2022, ова е 9-та победа по ред на Тасевски во борби без ги.
- Другите две злата за ХГА се од Илчо Тимов, кој беше победник во категорија Мастер 1 до 77 килограми со ги (плус зема едно сребро во иста категорија без ги) и „прво па злато“ за Виктор Трпевски кој ја разнесе конкуренцијата во категорија до 94 килограми бел појас со ги. Клубот имаше и вкупно 8 сребра и 2 бронзи.
- Во медалите за Македонија со седум злата придонесоа и децата и младинците од академијата на Стронгест, плус клубот имаше две злата кај мажи со и без ги, и едно кај жени со ги (Даниела Алексовска се бореше во три категории и извади две злата и едно сребро). Со по три злата АЈП Ниш го завршија и македонските клубови Флоу џиу-џицу (едно младинци, две жени) и Енсо џиу-џицу.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
