- Шведскиот малку познат клуб Мјелби е најголем хит во европскиот фудбал откако пред неколку недели ја освои шампионската титула во оваа земја, во која фудбалската сезона има поинаков календар од другите земји.
- Даниел Ивановски, некогашниот репрезентативец на Македонија е роден во Македонска Каменица пред 42 години. Тој играше во својот матичен клуб во родниот град, па потоа во кратовски Силекс и стигна до Вардар.
- Ивановски кој играше во одбраната имаше понуди и од Динамо Загреб каде ги завршил сите медицински прегледи но поради разни околности и сплеткарења во управата, трансферот му пропаднал.
- Тој подоцна отиде во Мјелби кој во тоа време бил второлигаш и никој ниту на сон не мислел дека еден ден ќе стане шампион во силната Алсвенска лига. Даниел Ивановски играл со Мјелби и во втора и во трета лига и со 150 настапи е права легенда на клубот.
- Селекторот ракометната репрезентација на Македонија, Кирил Лазаров, го објави скратениот список за стартот на квалификациите за ЕП 2028 година, кое ќе се одржи во Швајцарија, Португалија и Шпанија.
- Од повиканите 18 ракометари, само двајца настапуваат во странство – голманот Томовски (Битигхајм) и левиот бек Хориха (ПИК Сегед). Останатите 16 репрезентативци доаѓаат од македонските клубови. Десет ракометари се од Алкалоид, четворица од Пелистер и двајца од Вардар.
- Првиот меч е закажан против селекцијата на Луксембург на 4 ноември (19 часот) во Скопје, додека четири дена подоцна (8 ноември), македонските ракометари ќе гостуваат кај репрезентацијата на Грција (16 часот) во Халкида.
- Фудбалот како универзален јазик на пријателството, соработката и инклузијата беше во центарот на настанот „Допри го голот – Фудбал за секое дете“, реализиран од Основното училиште со ресурсен центар „Иднина“, Скопје, со поддршка на ФФМ и УЕФА Фондацијата за деца (UEFA Foundation for Children).
- На настанот учествуваа ученици со типичен и атипичен развој од седум училишта од Скопје, Куманово и Кратово.
- Преку заеднички фудбалски активности, учениците, наставниците и образовните асистенти испратија силна порака за важноста на инклузијата, врсничката поддршка, тимскиот дух и еднаквите можности за секое дете. Ревијалните фудбалски активности беа можност децата да се дружат, да соработуваат и да создаваат нови пријателства, потврдувајќи дека на фудбалскиот терен има место за сите.
- Поддршката за ваквите иницијативи е дел од заложбите на Фудбалската федерација на Македонија за промовирање на социјалната инклузија и создавање можности што ќе му овозможат на секое дете да биде дел од фудбалската игра.
