Offside › Набрзинка

Крај на сагата Ѓоковиќ - УС Опен: Американскиот ЦДЦ потврди дека нема влез за невакцинирани

25 август 2022

Откако во 2020-та го исфрлија поради тоа што со топче ненамерно ја погоди линиската судијка зад него, а во 2021-ва изгуби 3-0 во сетови од Данил Медведе, Новак Ѓоковиќ овој август нема да може да се бори за својот 22. Гренд слем пехар во кариерата.
Американскиот центар за контрола и превенција од заболувања (CDC) денес и официјално објави дека забраната за влез на невакцинирани не-американски државјани во земјата и натаму останува на сила.
Новак Ѓоковиќ до денес активно тренираше и ја чекаше одлуката на американските здравствени власти, со цел да види дали ќе може да се најде во главниот ждреб на УС Опен.

Sadly, I will not be able to travel to NY this time for US Open. Thank you #NoleFam for your messages of love and support. ❤️ Good luck to my fellow players! I’ll keep in good shape and positive spirit and wait for an opportunity to compete again. 💪🏼 See you soon tennis world! 👋🏼
— Novak Djokovic (@DjokerNole) August 25, 2022

извор

Дејо геније го отпушти Роби, нов селектор на Црна Гора е некогашен фудбалер

17 септември 2025

Добрите пријатели и некогашни соиграчи од најславните денови на белградска Црвена звезда, Дејан Савиќевиќ и Роберт Просинечки се договориле за споразумен раскин на договорот со кој Хрватот веќе не е селектор на Црна Гора.
Савиќевиќ кој е прв човек на Фудбалскиот сојуз на Црна Гора за нов селектор го поставил Мирко Вучиниќ, првиот капитен во историјата на репрезентацијата на Црна Гора и поранешен фудбалер на неколку италијански клубови меѓу кои Лече, Рома и Јувентус. Вучиниќ за цел ќе има да ја подмлади репрезентацијата и да ја спреми за идните квалификации затоа што овие се речиси изгубени во конкуренција на Хрватска и Чешка кои избегаа бодовно.

извор

Казахстанскиот првак патуваше рекордни 7.200 км за гостување во ЛШ

17 септември 2025

Каират Алмати ќе дебитира во четврток во Лига на шампионите на гости кај Спортинг Лисабон, а за тоа го направи најдолго патување во историјата на елитното натпреварување.
Тимот прелета 7.200 километри преку шест временски зони за да стигне до Португалија. Ниту еден тим во 71-годишната историја на ЛШ не поминал толку долг пат за гостување.
Каират во првата фаза ќе има четири гостувања против Арсенал, Интер, Копенхаген и Спортинг за што ќе мора да патува вкупно 45.000 километри.

извор