- Откако во 2020-та го исфрлија поради тоа што со топче ненамерно ја погоди линиската судијка зад него, а во 2021-ва изгуби 3-0 во сетови од Данил Медведе, Новак Ѓоковиќ овој август нема да може да се бори за својот 22. Гренд слем пехар во кариерата.
- Американскиот центар за контрола и превенција од заболувања (CDC) денес и официјално објави дека забраната за влез на невакцинирани не-американски државјани во земјата и натаму останува на сила.
- Новак Ѓоковиќ до денес активно тренираше и ја чекаше одлуката на американските здравствени власти, со цел да види дали ќе може да се најде во главниот ждреб на УС Опен.
- За прв пат по 2010-та, кошаркарските прволигаши пред стартот на сезоната закажан за 5/6 октомври, се ослободени од плаќање котизација, откако КФМ потпиша едногодишен договор со телекомуникациска компанија М-Тел, кој ќе биде генерален спонзор за Првата машка кошаркарска лига.
- „Досега, лигата имала четири спонзори од основањето. По 14 години, се надеваме дека почнуваме една нова цел, а тоа е промовирање и привлекување на што повеќе спонзори во кошарката и воопшто во мак-спортот. Кога дојдовме, котизацијата беше 10.000 евра, ја намаливме на 8.000 евра, а сега ја остваривме една од главните амбиции и цели, тоа е да најдеме спонзор, кој во целост ќе ги покрива сите трошоци на клубовите. Нашите амбиции се да ја покриеме и женската лига и младинските лиги. Веќе сме во започнати преговори, има интерес и се надевам дека за брз период истото ќе може да го промовираме и во останатите шампионати“, изјави генералниот секретар на КФМ, Владимир Георгиевски
- Инаку кошаркарските прволигаши имаат огромни долгови кон Куќата на кошарката, кои во моментот се движат околу 200.000 евра, а тоа се должи на доцнењето на државната помош, односно ваучерите кои требаше да ги добијат уште во јануари.
- Само неколку дена по тешките инциденти во Кавадарци каде навивачи и официјални лица на фудбалскиот клуб Тиквеш мртви-ладни физички нападнаа официјални лица на Вардар па со предмет го погодија и помошникот судија (ФФМ им изрече блага казна да не играат на домашен терен), сега нов циркус во Неготино.
- По натпреварот од втора лига меѓу Вардар Неготино и Охрид Лихнидос, гостинскиот голман Андов бил нападнат и удрен од неофицијално лице кое упаднало на теренот без никаков проблем.
- „По завршување на мечот нашиот голман како и уште неколку наши фудбалери беа физички нападнати од неофицијални лица на теренот. Исто така и минатата сезона бевме сведоци на слични случувања во Неготино но немаше реакција од наша страна. Бараме сега реакција од одговорните лица во федерацијата“, стои во соопштението на Охрид Лихнидос.