- Триесет и три годишниот врвен голман Андреас Волф е нов голман на германски Кил. Сапуницата која траеше со месеци конечно е завршена и еден од најдобрите светски голмани се враќа во својот некогашен тим.
- Германски ндр.де пишува дека Андреас Волф се договорил со Кил каде бранеше од 2016-та до 2019-та. Германскиот голман наводно сакал да игра секој викенд силни натпревари а не само во Лига на шампиони. Неговиот догоор со полскиот вицешампион Кјелце трае до летото 2028 но Полјаците кои се во финансиска криза ќе сакаат добро да го наплатат овој трансфер кој би можел да се движи од 900.000 до 1 милион евра.
- Кил заврши како четврт во Бундеслига па следната сезона нема да игра во Лига на шампиони туку во Лига Европа. На Фајнал Форот од Лига на шампиони завршија трети после убедливиот пораз од Барселона во полуфинале. После во меч за трето место го совладаа Магдебург.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
