Offside › Набрзинка

Кипре му подари книги на Далиќ од Панчев и Лазаров

19 јануари 2025

Горан Кипријановски-Кипре, кој не пропушта натпревар на македонската репрезентација во разни спортови, повторно е во акција како промотор на македонскиот спорт.
Овој пат имал средба со селекторот на хрватската фудбалска репрезентација, Златко Далиќ во неговиот ресторан „Family“ во Вараждин.
Кипре на Далиќ му подарил шал од Македонија, како и автобиографски книги од Дарко Панчев и Кире Лазаров. Селекторот возвратил со негова книга и вино.

28 април 2026

Баерн Минхен бележи неверојатен пораст од 400% во онлајн нарачките на дресови од Колумбија, откако Луис Дијаз лани стана нивен играч.
Колумбија во моментов е најбрзорастечкиот пазар на Баерн и клубот го користи овој огромен маркетиншки потенцијал со крилниот напаѓач, кој е инаку во топ 5 играчи на Баерн во светот во однос на продажбата на дресови оваа сезона.
Дијаз е претставен како амбасадор на брендот на каналите на клубот на шпански јазик. Бројот на посетители на онлајн продавницата на германскиот гигант во јужноамериканската земја се зголемил за 200%.

28 април 2026

Британската полиција соопшти дека судија со значка на УЕФА кој судел европски натпревар на островот пред неколку дена сексуално нападнал тинејџер.
Полицијата соопштува дека манијакот има 30-ина години, а обвинет е дека насилно го допирал и присилувал младиот тинејџер да оди во неговата хотелска соба.
Момчето пријавило напад, а полицијата чекала после натпреварот судијата да се врати во хотелот за да го уапси.
Тој требал да суди и на овогодишното Светско првенство во САД, Мексико и Канада. УЕФА додека трае истрагата го суспендирала судијат на неопределено време и тој нема да суди во догледно време УЕФА натпревари.
Го чека евентуална затворска казна во Британија ако се докаже вина.